ദുല്ഖര് നായകനാകുന്ന സീതാരാമത്തിന്റെ ടീസര്
|
|
Written By
|
Teaser
ലെഫ്റ്റനന്റ് റാമിന്റെയും സീതാ മഹാലക്ഷ്മിയുടെയും പ്രണയം പറയുന്ന ചിത്രം സീതാരാമത്തിന്റെ ആദ്യ ടീസര് പുറത്തിറങ്ങി. ദുല്ഖര് സല്മാനും ഹനു രാഘവപുടിയും സ്വപ്ന സിനിമാസും ഒന്നിക്കുന്ന സീതാരാമം 2022 ഓഗസ്റ്റ് അഞ്ചിന് ലോകമെമ്പാടുമുള്ള തിയേറ്ററുകളില് പ്രദര്ശനത്തിനെത്തും.
വൈജയന്തി മൂവീസ് അവതരിപ്പിക്കുന്ന സീതാരാമം, പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന പ്രണയകഥയാണ്. ദുല്ഖര് സല്മാന് നായകനാകുന്ന ചിത്രത്തില് പ്രണയ ജോഡിയായി മൃണാല് താക്കൂര് എത്തുന്നു. ഒപ്പം മറ്റൊരു പ്രധാന വേഷത്തില് രശ്മിക മന്ദാനയുമുണ്ട്. പ്രണയകഥകളുടെ മാസ്റ്റര് ഹനു രാഘവപുടിയാണ് ചിത്രം സംവിധാനം ചെയ്യുന്നത്. സ്വപ്ന സിനിമയുടെ കീഴില് അശ്വിനി ദത്താണ് ചിത്രം നിര്മ്മിക്കുന്നത്.
തെലുങ്ക്, തമിഴ്, മലയാളം ഭാഷകളില് ഒരേ സമയം ചിത്രം റിലീസ് ചെയ്യും. തെലുങ്ക്, തമിഴ്, മലയാളം ഭാഷകളില് ഒരേസമയം നിര്മ്മിക്കുന്ന സീതാരാമത്തിന്റെ ഛായാഗ്രഹണം പി എസ് വിനോദാണ്. അഡീഷണല് ഛായാഗ്രഹണം നിര്വ്വഹിച്ചിരിക്കുന്നത് ശ്രേയസ് കൃഷ്ണയാണ്. ദുല്ഖര് സല്മാന്, മൃണാള് താക്കൂര്, രശ്മിക മന്ദന്ന എന്നിവര്ക്ക് പുറമെ സുമന്ത്, ഗൗതം മേനോന്, പ്രകാശ് രാജ്, തരുണ് ഭാസ്ക്കര്, ശത്രു, ഭൂമിക ചൗള, രുക്മിണി വിജയ് കുമാര്, സച്ചിന് ഖേദേക്കര്, മുരളി ശര്മ്മ, വെണ്ണേല കിഷോര് തുടങ്ങിയവര് വേഷമിടുന്നു.
സാങ്കേതിക സംഘം: സംവിധായകന്: ഹനു രാഘവപുടി, നിര്മ്മാതാക്കള്: അശ്വിനി ദത്ത്, ബാനര്: സ്വപ്ന സിനിമ, അവതരിപ്പിക്കുന്നത്: വൈജയന്തി മൂവീസ്, ഡിഒപി: പി എസ് വിനോദ്, ശ്രേയസ് കൃഷ്ണ, സംഗീത സംവിധായകന്: വിശാല് ചന്ദ്രശേഖര്, എഡിറ്റര്: കോത്തഗിരി വെങ്കിടേശ്വര റാവു, പ്രൊഡക്ഷന് ഡിസൈന്: സുനില് ബാബു, കലാസംവിധാനം: വൈഷ്ണവി റെഡ്ഡി, ഫൈസല് അലി ഖാന്, കോസ്റ്റ്യൂം ഡിസൈനര്: ശീതള് ശര്മ്മ, എക്സിക്യൂട്ടീവ് പ്രൊഡ്യൂസര്: ഗീതാ ഗൗതം, പിആര്ഒ: ആതിര ദില്ജിത്.
Related Stories
See All
Latest Update
