Teaser

ചുരുങ്ങിയ കാലയളവിനുള്ളില്‍ പ്രേക്ഷകരുടെ മനസില്‍ ഇടംനേടിയ നടിയാണ് ആന്‍ ആഗസ്റ്റിന്‍. 2017ല്‍ പുറത്തിറങ്ങിയ ആന്തോളജി ചിത്രം സോളോയിലാണ് ആന്‍ അഗസ്റ്റിന്‍ അവസാനമായി അഭിനയിച്ചത്. പിന്നീട് ആനിന്റേതായുള്ള ഒരു ചിത്രവും പുറത്തിറങ്ങിയില്ല. 

ഇപ്പോള്‍ ഇതാ അഞ്ച് വര്‍ഷത്തെ ഇടവേയ്ക്ക് ശേഷം മലയാള സിനിമയിലേയ്ക്ക് തിരിച്ചുവരവിന് ഒരുങ്ങുകയാണ് ആന്‍ അഗസ്റ്റിന്‍. പ്രശസ്ത സാഹിത്യകാരന്‍ എം.മുകുന്ദന്‍ രചന നിര്‍വഹിച്ചിരിക്കുന്ന 'ഓട്ടോറിക്ഷക്കാരന്റെ ഭാര്യ' എന്ന ചിത്രത്തിലാണ് ആന്‍ അഗസ്റ്റിന്‍ എത്തുന്നത്. സുരാജ് വെഞ്ഞാറമ്മൂടാണ് നായകന്‍. ഇപ്പോള്‍ ഇതാ ചിത്രത്തിന്റെ ടീസര്‍  പുറത്തുവന്നിരിക്കുകയാണ്.  സ്ത്രീ ശാക്തീരണം പ്രമേയമാക്കുന്ന ചിത്രം ഒക്ടോബര്‍ 28ന് റിലീസ് ചെയ്യും.

കൈലാഷ്, ജനാര്‍ദ്ദനന്‍, സ്വാസിക വിജയ്, ദേവി അജിത്ത്, നീന കുറുപ്പ്, മനോഹരി ജോയ്, ബേബി അലൈന ഫിദല്‍ എന്നിവരാണ് മറ്റ് അഭിനേതാക്കള്‍. ഛായാഗ്രഹണം - അഴകപ്പന്‍, സംഗീതം - ഔസേപ്പച്ചന്‍. എഡിറ്റിംഗ് - അയൂബ് ഖാന്‍, പ്രൊഡക്ഷന്‍ കണ്‍ട്രോളര്‍ - ഷാജി പട്ടിക്കര, കലാസംവിധാനം - ത്യാഗു തവനൂര്‍, മേക്കപ്പ് - റഹിം കൊടുങ്ങല്ലൂര്‍, വസ്ത്രാലങ്കാരം - നിസാര്‍ റഹ്‌മത്ത്, സ്റ്റില്‍സ് - അനില്‍ പേരാമ്പ്ര, പരസ്യകല -  ആന്റണി സ്റ്റീഫന്‍, ചീഫ് അസോസിയേറ്റ് ഡയറക്ടര്‍ - ജയേഷ് മൈനാഗപ്പള്ളി, അസോസിയേറ്റ് ഡയറക്ടര്‍ - ഗീതാഞ്ജലി ഹരികുമാര്‍, പ്രൊഡക്ഷന്‍ എക്‌സിക്യൂട്ടീവ് - നസീര്‍ കൂത്തുപറമ്പ്, പിആര്‍ഒ - പി.ആര്‍ സുമേരന്‍.