Teaser

ഒന്നര മിനിട്ടിലെ, ഒറ്റ ഷോട്ടിൽ നടികർ തിലകം എംജിആറായി തിളങ്ങി മമ്മൂട്ടി. മമ്മൂട്ടിയെ നായകനാക്കി ലിജോ ജോസ് പെല്ലിശേരി ഒരുക്കുന്ന ‘നൻപകൽ നേരത്ത് മയക്കം’ രണ്ടാം ടീസറിലും കൗതുകം. തമിഴ്നാട് ഉൾനാടൻ ഗ്രാമത്തിലെ ഒരു നാടൻ ബാറിൽ സഹമദ്യപാനികൾക്കൊപ്പം ഒരു സീൻ അഭിനയിക്കുകയാണ് മമ്മൂട്ടിയുടെ കഥാപാത്രം. അഭിനയം കണ്ട് എല്ലാവരും അവസാനം കയ്യടിക്കുന്നിടത്ത് ‍ടീസർ അവസാനിക്കുന്നു. ഗൗരവം എന്ന ചിത്രത്തിൽ ശിവാജി ഗണേശൻ ഇരട്ടവേഷത്തിൽ അഭിനയിച്ചു തകർത്ത രംഗമാണ് ടീസറിൽ മമ്മൂട്ടിയിലൂടെ പുനസൃഷ്ടിച്ചിരിക്കുന്നത്.

നേരത്തെ ലോക ഉറക്ക ദിനത്തോട് അനുബന്ധിച്ച് മാർച്ച് 18ന് ചിത്രത്തിന്റെ ആദ്യ ടീസർ പുറത്തുവിട്ടിരുന്നു. ചിത്രത്തിലെ കഥാപാത്രങ്ങൾ എല്ലാവരും ഉച്ച സമയത്ത് ഉറങ്ങുന്ന രംഗങ്ങളായിരുന്നു ആദ്യ ടീസറിൽ ഉണ്ടായത്. 

മമ്മൂട്ടിയുടെ നിർമാണ കമ്പനിയായ മമ്മൂട്ടി കമ്പനിയും ലിജോ ജോസ് പെല്ലിശ്ശേരിയുടെ അമേൻ മൂവി മൊണാസ്ട്രിയും ചേർന്നാണ് ചിത്രത്തിന്റെ നിർമാണം. ലിജോയുടെ കഥയ്ക്ക് എസ്. ഹരീഷാണ് തിരക്കഥയും സംഭാഷണവും ഒരുക്കിയിരിക്കുന്നത്. തമിഴ് പശ്ചാത്തലത്തിൽ ഒരുക്കുന്ന ചിത്രം പഴനി, കന്യാകുമാരി എന്നിവടങ്ങളിലായി ഒറ്റ ഷെഡ്യൂളിലാണ് ചിത്രീകരണം പൂർത്തിയാക്കിയത്. മമ്മൂട്ടിയെ കൂടാതെ രമ്യ പാണ്ട്യൻ, അശോകൻ, വിപിൻ അറ്റ്ലി, രാജേഷ് ശർമ എന്നിവരും ചിത്രത്തിൽ പ്രധാനവേഷത്തിലെത്തുന്നു.