News

അബുദാബി: അത്തം ഒന്ന് മുതൽ പത്ത് ദിവസങ്ങളിലായി അബുദാബി മലയാളി സമാജത്തിൽ സംഘടിപ്പിച്ചുവരുന്ന അത്തപ്പൂക്കളത്തിന്റെ ഭാഗമായി സമാജം വനിതാ വിഭാഗം അത്റപ്പൂക്കളം ഒരുക്കി.ഓരോ ദിവസവും വിവിധ സംഘടനകളാണ് പൂക്കളം ഒരുക്കിക്കൊണ്ടിരിക്കുന്നത്. അബുദാബി ഭരണസമിതിയായിരുന്നു ഒന്നാം ദിവസത്തെ പൂക്കളം ഒരുക്കിയത്. വനിതാവിഭാഗം ഒരുക്കിയ അത്തപ്പൂക്കളത്തോടനുബന്ധിച്ച് തിരുവാതിര കളിയും ആർപ്പ് വിളികളും പായസവിതരണവും ഓണപാട്ടും അരങ്ങേറി. സമാജം വനിതാ കൺവീനർ ലാലി സാംസൺ ജോയിന്റ് കൺവീനർമാരായ ഷീന ഫാത്തിമ, ചിലു സൂസൻ മാത്യു എന്നിവർ ചടങ്ങുകൾക്ക്  നേതൃത്വം നൽകി. സമാജം പ്രസിഡന്റ്‌ സലിം ചിറക്കൽ, ജോയിന്റ് സെക്രട്ടറി ഷാജഹാൻ ഹൈദർ അലി, സാജൻ, അനിൽ കുമാർ എന്നിവർ ഓണാശംസകൾ നേർന്നു.