അമ്മയുടെ സ്നേഹം വാക്കിലൂടെയോ വരകളിലൂടെയോ പൂർണ്ണമായും വിവരിക്കാൻ കഴിയില്ല."She is the Ocean, I am the Wave" എന്ന പത്ത് പെയിന്റിംഗ് സീരീസ് പങ്കുവയ്ക്കുന്നു.

ഡോ. എം.പി. അബ്ദുസമദ് സമദാനിയുടെ വചസുകൾ ഈ രചനകൾക്ക് പ്രചോദനമായിട്ടുണ്ടെന്ന് പറയുന്നതിൽ ഏറെ അഭിമാനമുണ്ട്!സമദാനി വാക്കുകളുടെ കലാകാരനാണ്… അദ്ദേഹത്തിന്റെ സംഭാഷണശക്തി കേൾക്കുന്നവരെ നിശ്ചലരാക്കുന്നു!! രാഷ്ട്രീയം, സാമൂഹ്യം, മാതൃസ്നേഹം... വിഷയങ്ങളിൽ ഉരുക്കിയെടുക്കുന്ന വാക്കുകൾ ഹൃദയത്തിൽ നിന്ന് ഉറവെടുക്കുന്നവയാണ്.

"അമ്മയുടെ ഹൃദയം നിത്യവസന്തമാണ് – സമദാനി അവിടെ നടുന്ന പുഷ്പങ്ങൾക്ക് വാട്ടമില്ല."മതം, ജാതി, വർഗ്ഗം എന്നിവയുടെ അതിരുകൾ തകർക്കുന്ന മനുഷ്യവാദം…!!"വിഭജനങ്ങൾ സൃഷ്ടിക്കുന്നവർ മനുഷ്യന്റെ ശത്രുക്കളാണ്."വാക്കുകളിൽ ഒരു യുഗത്തിന്റെ സത്യം മുഴങ്ങുന്നു.

"ദൈവത്തിന് എല്ലായിടത്തും ഉണ്ടാകാൻ കഴിയാത്തതിനാൽ, അവൻ അമ്മമാരെ സൃഷ്ടിച്ചു."അമ്മയെന്നാൽ സുരക്ഷയുടെ സാക്ഷാത്കാരമാണ്. കരയുമ്പോഴും ഭയപ്പെടുമ്പോഴും അദൃശ്യമായി കൈപിടിച്ചുനിൽക്കുന്ന നിഷ്കളങ്കമായ ഒരാശ്വാസം.

അമ്മമാർ സ്വന്തം ആഗ്രഹങ്ങൾ ത്യജിച്ച് മക്കളുടെ ആവശ്യങ്ങൾക്കൊപ്പം സഞ്ചരിക്കുന്നു.അമ്മയെക്കുറിച്ചുള്ള അനുഭവം ജീവിതകാലത്തെ യാത്രയാണ് — വ്യക്തിയുടെ ആദ്യത്തെ ശ്വാസം മുതൽ അന്തിമ നിശ്വാസം വരെ.എഡ്ഗാർ അലൻ പോയുടെ വാക്കുകളിൽ, "അമ്മയില്ലാത്ത വീട് ഹൃദയമില്ലാത്ത ശരീരം പോലെയാണ്."അമ്മയുടെ സ്നേഹം എന്നത് ഒരിക്കലും തീർന്നുപോകാത്ത കടലാണെന്ന് പറയാറില്ലേ?അമ്മയില്ലായ്മ അതാണ് വലിയ വേദന…

"അമ്മയുടെ സ്നേഹം മഴത്തുള്ളിയെപ്പോലെ, എല്ലായിടത്തും എത്തുന്നു." — എം.ടി."ഒരു അമ്മയുടെ പ്രാർത്ഥന എന്നത് ദൈവത്തിന്റെ ചെവിയിൽ എത്തുന്ന ഏറ്റവും മധുരമായ സംഗീതമാണ്."

"ജീവിതത്തിലെ ഏറ്റവും നിരുപാധികമായ, കലർപ്പില്ലാത്ത കല അമ്മയുടെ സ്നേഹമാണ്, കാരണം അത് നിഷ്കളങ്കമായ ശുദ്ധജലത്തിൽ നിന്നുയരുന്നു."അമ്മവാക്കുകൾക്ക് അവസാനമില്ല. എത്ര ദിവസം വേണമെങ്കിലും മാതാവിനെക്കുറിച്ച് സമദാനി സംസാരിക്കും.

സംസാരിക്കുമ്പോൾ, കേൾക്കുന്നവരുടെ കണ്ണുകളിൽ ജലം തിളക്കുന്നു. സമദാനി പറയുമ്പോൾ, മാതൃഭാവത്തിന്റെ ശുദ്ധിയും ത്യാഗവും പ്രാർത്ഥനയുടെ ശക്തിയോടെ ഹൃദയത്തിൽ തുടിക്കുന്നു…..

ജൂനിയർ മാർട്ടിൻ ലൂഥർ കിംഗിനെ പോലെ അപൂർവ്വമായ സംയോജനമാണ് ശൈലി. വാക്കുകൾക്ക് ലയബദ്ധതയുണ്ട്, സംഗീതം പോലെയുള്ള ഒഴുക്കുണ്ട്. അത് കേൾക്കുന്നവരെ ആനന്ദാതിരേകത്തിലേക്ക് എത്തിക്കുന്നവ.

രാഷ്ട്രീയത്തിന്റെ കഠിനമായ മണ്ണിൽ നിന്ന് മനുഷ്യത്വത്തിന്റെ പൂക്കൾ പറിച്ചെടുക്കാൻ സമദാനിക്ക് കഴിയുന്നു. അദ്ദേഹത്തിന്റെ വാക്കുകൾക്ക് ജീവിതം ഉണ്ട്, ആത്മാവ് ഉണ്ട്.ആ ശബ്ദത്തിൽ നിന്ന്, നമുക്ക് മനുഷ്യരായിരിക്കുന്നതിന്റെ ഗൗരവം മനസ്സിലാക്കാൻ കഴിയും….!!!!!

ഫോട്ടോ: പ്രശാന്ത് മാധ്യമം.