Music

സ്ത്രീകള്‍ക്കുള്ള പ്രചോദനമായി ഒരുങ്ങിയ ‘തിരതാളം’  എന്ന മ്യൂസിക് ആൽബം ശ്രദ്ധനേടുന്നു. സാം മാത്യു എ.ഡി എഴുതിയ വരികൾക്ക് ശബ്ദം നൽകിയിരിക്കുന്നത് ​ഗായിക അമൃത സുരേഷ് ആണ്. സ്ത്രീക്ക് സമൂഹത്തിൽ നിന്നും നേരിടേണ്ടി വരുന്ന ചോദ്യങ്ങളും അനുഭവിക്കേണ്ടി വരുന്ന വീർപ്പുമുട്ടലുകളും ആൽബത്തിൽ ഉൾക്കൊള്ളിച്ചിരിക്കുന്നു. 

കരുത്തിന്റെ, ശക്തിയുടെ പ്രതീകമായ സ്ത്രീകള്‍ക്കു വേണ്ടിയാണ് ഈ സംഗീത വീഡിയോ അണിയറപ്രവർത്തകർ സമർപ്പിച്ചിരിക്കുന്നത്. സാംസണ്‍ സില്‍വയാണ് പാട്ടിന് ഈണമൊരുക്കിയത്. വിവേക് തോമസ് പാട്ടിന്റെ മിക്സിങ്ങും മാസ്റ്ററിങ്ങും നിർവഹിച്ചു.