ദുബൈ: വിവിധ മേഖലയിലെ സേവനത്തിന് മലയാളികള്‍ക്ക്​ ദുബൈ പൊലീസി​െന്‍റ ആദരവ്​. കോവിഡ്​ കാലത്തെ സേവനങ്ങള്‍ മുന്‍നിര്‍ത്തിയാണ്​ ആദരം.മഹാമാരികാലത്ത്​ പ്രവാസികള്‍ക്ക് ചെയ്​ത സഹായങ്ങള്‍ പരിഗണിച്ച്‌​ എലൈറ്റ്​ ഗ്രൂപ്​ മാനേജിങ് ഡയറക്ടര്‍ ആര്‍. ഹരികുമാറിനെ ദുബൈ പൊലീസ്​ ആദരിച്ചു. ലോകത്തിന്​ മാതൃകയായ ദുബൈ പൊലീസി​െന്‍റ അംഗീകാരം ലഭിച്ചതില്‍ സന്തോഷമുണ്ടെന്ന്​ ഹരികുമാര്‍ പറഞ്ഞു.

വിദേശികളെയും സ്വദേശികളെയും വലുപ്പച്ചെറുപ്പമില്ലാതെ ഒരേപോലെ കാണുകയും അവരെ അംഗീകരിക്കുകയും ചെയ്യുന്നകാര്യത്തില്‍ മാതൃകയാണ് ദുബൈ പൊലീസെന്ന് ആര്‍. ഹരികുമാര്‍ അഭിപ്രായപ്പെട്ടു. കോവിഡ്​ കാലത്ത്​ എലൈറ്റ് ഗ്രൂപ്പിലെ ജോലിക്കാര്‍ക്കും അര്‍ഹതപ്പെട്ടവര്‍ക്കും നാട്ടിലേക്ക് പോകുന്നതിന് ഹരികുമാറി​െന്‍റ നേതൃത്വത്തില്‍ വിമാനം ചാര്‍ട്ടര്‍ ചെയ്​തിരുന്നു. യു.എ.ഇയില്‍ കുടുങ്ങിയ പ്രവാസികളെ സൗജന്യമായി നാട്ടിലെത്തിക്കാന്‍ 'ഗള്‍ഫ്​ മാധ്യമം- മീഡിയവണ്‍' സംയുക്​തമായി നടത്തിയ 'മിഷന്‍ വിങ്​സ്​ ഓഫ്​ കംപാഷ​െന്‍റ' ഭാഗമായും ഹരികുമാര്‍ പ്രവര്‍ത്തിച്ചിരുന്നു.

ഹരികുമാറി​െന്‍റ ഭാര്യയുടെ ഉടമസ്ഥതയിലുള്ള ആലപ്പുഴയിലെ കലാ ടൂറിസ്​റ്റ്​ ഹോം കോവിഡ് രോഗികള്‍ക്കായി സൗജന്യ ചികിത്സാകേന്ദ്രമായി മാറ്റി.

കോവിഡ്​ കാലത്ത്​ പ്രവാസികളുടെ മൃതദേഹങ്ങള്‍ നാട്ടിലെത്തിക്കാന്‍ ഇടപെട്ട സാമൂഹിക പ്രവര്‍ത്തകന്‍ അഷ്​റഫ്​ താമരശ്ശേരിയെയും ദുബൈ പൊലീസ്​ ആദരിച്ചു. ദുബൈ പൊലീസ്​ ഹെഡ് ക്വാര്‍ട്ടേഴ്സില്‍ നടന്ന ചടങ്ങില്‍ കേണല്‍ അഹ്​മദ്​ മുഹമ്മദ്​ റാശിദ്​ അല്‍ സാദിയില്‍നിന്ന്​ പുരസ്​കാരം സ്വീകരിച്ചു.