News

ലിജോ ജോസ് പെല്ലിശ്ശേരി സംവിധാനം ചെയ്ത സൂപ്പര്‍ ഹിറ്റ് ചിത്രമായ അങ്കമാലി ഡയറീസിന്റെ ഹിന്ദി പതിപ്പ് വരുന്നു. ചിത്രത്തില്‍ ആന്റണി വര്‍ഗീസ് അവതരിപ്പിച്ച പെപ്പെ എന്ന കഥാപാത്രമായി അര്‍ജുന്‍ ദാസാണ് എത്തുക. കൈതി, വിക്രം എന്നീ ചിത്രങ്ങളിലൂടെ ശ്രദ്ധേയനായ അര്‍ജുന്‍ ദാസിന്റെ ബോളിവുഡ് അരങ്ങേറ്റമായി ചിത്രം മാറും.

കെഡി എങ്കിറാ കറുപ്പുദുരൈ എന്ന ചിത്രത്തിലൂടെ ശ്രദ്ധേയയായ മധുമിതയാണ് ചിത്രം സംവിധാനം ചെയ്യുക. അങ്കമാലിയാണ് ലിജോ ജോസ് പശ്ചാത്തലമാക്കിയതെങ്കില്‍ ഉള്‍നാടന്‍ ഗോവയുടെ പശ്ചാത്തലത്തിലാകും ഹിന്ദി പതിപ്പ് എത്തുക. സിനിമയുടെ ചിത്രീകരണം ഇതിനോടകം തന്നെ പൂര്‍ത്തിയായിക്കഴിഞ്ഞു. റിലീസ് തീയതി ഉടന്‍ തന്നെ പ്രഖ്യാപിക്കുമെന്നാണ് വിവരം.