ഇന്ത്യന് വനിത ക്രിക്കറ്റ് ടീം ക്യാപ്റ്റന് മിതാലി രാജിന്റെ കഥ പറയുന്ന ചിത്രം സബാഷ് മിതുവിന്റെ ട്രെയ്ലര്
|
|
Written By
|
Trailer
ഇന്ത്യന് വനിത ക്രിക്കറ്റ് ടീം ക്യാപ്റ്റന് മിതാലി രാജിന്റെ കഥ പറയുന്ന ചിത്രം സബാഷ് മിതുവിന്റെ ട്രെയ്ലര് പുറത്തിറക്കി. മിതാലിയുടെ കുട്ടിക്കാലവും, ക്രിക്കറ്റ് ജീവിതവും, ഇന്ത്യന് ടീമിന്റെ പ്രശസ്തിക്കായി മിതാലി നടത്തിയ പ്രയത്നങ്ങളുമെല്ലാം ചിത്രത്തിലുണ്ടെന്നാണ് ടീസര് നല്കുന്ന സൂചന. ജൂലൈ 15നാണ് ചിത്രം തീയേറ്ററുകളില് എത്തുന്നത്.
സ്പോര്ട്സ് ഡ്രാമ വിഭാഗത്തില്പ്പെടുന്ന സബാഷ് മിതു പ്രേക്ഷകര് ആവേശത്തോടെ കാത്തിരിക്കുന്ന ചിത്രമാണ്. തപ്സി പന്നുവാണ് കേന്ദ്ര കഥാപാത്രമായ മിതാലി രാജായി എത്തുന്നത്. 2020 ല് മിതാലി രാജിന്റെ പിറന്നാള് ദിവസമാണ് ചിത്രം പ്രഖ്യാപിച്ചത്. കൂടാതെ 2021 ല് ചിത്രത്തിന്റെ ഷൂട്ടിങ് പൂര്ത്തിയാക്കിയ വിവരം തപ്സി പന്നുവും പങ്ക് വെച്ചിരുന്നു. ചിത്രത്തിന്റെ ടീസര് ഏറെ ശ്രദ്ധ നേടിയിരുന്നു. സബാഷ് മിതു ഫെബ്രുവരിയില് പ്രദര്ശനത്തിന് എത്തുമെന്ന് പറഞ്ഞിരുന്നെങ്കിലും കൊവിഡ് വ്യാപനത്തെ തുടര്ന്ന് റിലീസ് മാറ്റി വയ്ക്കുകയായിരുന്നു.
മിതാലി രാജായി ഗംഭീര പ്രകടനം തന്നെയാണ് തപ്സി പന്നു കാഴ്ചവെച്ചിരിക്കുന്നതെന്ന് നിസംശയം പറയാം. വയകോം 18 സ്റ്റുഡിയോസാണ് സബാഷ് മിതു നിര്മ്മിക്കുന്നത്. സിര്ഷ റേ ആണ് ചിത്രത്തിന്റെ ഛായാഗ്രാഹണം. ശ്രീകര് പ്രസാദാണ് ചിത്രത്തിന്റെ ചിത്രസംയോജനം. അജിത് അന്ധരെയാണ് ക്രീയേറ്റീവ് പ്രൊഡ്യൂസര്, പ്രിയ അവനാണ് തിരക്കഥ ഒരുക്കിയിരിക്കുന്നത്.
ഇക്കഴിഞ്ഞ ജൂണ് 8ന് മിതാലി രാജ് അന്താരാഷ്ട്ര ക്രിക്കറ്റില് നിന്ന് വിരമിച്ചിരുന്നു. 89 അന്താരാഷ്ട്ര ടി20 മത്സരങ്ങളില് നിന്ന് 2364 റണ്സും 12 ടെസ്റ്റ് മത്സരങ്ങളില് നിന്ന് 699 റണ്സും മിതാലി രാജ് നേടിയിട്ടുണ്ട്. 2017ല് മിതാലി രാജിന്റെ കീഴില് ഇന്ത്യ വനിതാ ഏകദിന ലോകകപ്പിന്റെ ഫൈനലില് എത്തിയിരുന്നു. ഏകദിന ക്രിക്കറ്റില് നിന്ന് 7805 റണ്സും മിതാലി നേടിയിട്ടുണ്ട്.
Related Stories
See All
Latest Update
