ടോവിനൊ - കീര്ത്തി കേന്ദ്ര കഥാപാത്രങ്ങളായ വാശി ചിത്രം ജൂലൈ 17നാണ് നെറ്റ്ഫ്ലിക്സിലൂടെ റിലീസ്
|
|
Written By
|
News
ടോവിനൊ തോമസും കീര്ത്തി സുരേഷും കേന്ദ്ര കഥാപാത്രങ്ങളായ 'വാശി' എന്ന ചിത്രം ഒടിടി റിലീസിന് ഒരുങ്ങുന്നു. ഇരുവരും വക്കീല് വേഷത്തിലെത്തുന്ന ചിത്രം ജൂലൈ 17നാണ് നെറ്റ്ഫ്ലിക്സിലൂടെ പ്രേക്ഷകർക്ക് മുൻപിൽ എത്തുക. നേരെത്തെ തന്നെ തിയേറ്ററുകളിൽ എത്തിയ ചിത്രത്തിന് മികച്ച പ്രേക്ഷക പ്രതികരണമാണ് ലഭിച്ചത്.
നടന് എന്ന നിലയിലും ശ്രദ്ധേയനായ വിഷ്ണു ജി രാഘവാണ് ചിത്രം സംവിധാനം ചെയ്തിരിക്കുന്നത്.
വിഷ്ണു രാഘവും ജാനിസ് ചാക്കോ സൈമണും ചേര്ന്നാണ് 'വാശിയുടെ' തിരക്കഥ എഴുതിയിരിക്കുന്നത്. വിനായക് ശശികുമാര് ചിത്രത്തിന്റെ ഗാനത്തിന് വരികള് എഴുതുമ്പോള് കൈലാസ് മേനോന് ആണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. മഹേഷ് നാരായണന് ആണ് വാശിയുടെ ചിത്രസംയോജനം നിര്വഹിക്കുന്നത്.
രേവതി കലാമന്ദിര് ആണ് ചിത്രം നിര്മിക്കുന്നത്. അച്ഛന് നിര്മിക്കുന്ന സിനിമയില് മകള് കീര്ത്തി സുരേഷ് ആദ്യമായി നായികയാകുകയാണ്. റോബി വര്ഗ്ഗീസ് രാജാണ് ഛായാഗ്രാഹണം നിര്വഹിക്കുന്നത്. അനു മോഹനും ചിത്രത്തില് ഒരു പ്രധാന കഥാപാത്രമായി എത്തുന്നുണ്ട്.
Related Stories
See All
Latest Update
