മോഹന്ലാല് ആലപിച്ച ചോദ്യചിഹ്നം പോലെ എന്ന ഗാനത്തിന്റെ സ്റ്റുഡിയോ കട്ട് രംഗങ്ങള്
|
|
Written By
|
News
ഷൈന് നിഗമിനെ നായകനാക്കി ടി.കെ രാജീവ് കുമാര് സംവിധാനം ചെയ്യുന്ന ബര്മുഡ എന്ന സിനിമയിലെ മോഹന്ലാല് പാടിയ 'ചോദ്യചിഹ്നം പോലെ' എന്ന ഗാനം വൈറലായി. മോഹന്ലാലിന്റെ പാട്ട് വീഡിയോയുടെ സ്റ്റുഡിയോ കട്ട് നടന് ഫഹദ് ഫാസില് സമൂഹ മാദ്ധ്യമങ്ങളിലൂടെ പങ്കുവെച്ചു.
പാട്ടിനൊപ്പപ്പം ഒന്നാം ക്ലാസുകാരനായ അജ്മല് ഷായും താരമായി. കളമശ്ശേരിക്കാരനായ ഈ ഒന്നാം ക്ലാസുകാരന് പാട്ടു കേട്ട് ഇഷ്ടപ്പെട്ടയുടന് മുഴുവന് വരികളും നല്ല ഭംഗിയുള്ള തന്റെ കൈപ്പടയില് പകര്ത്തിയെഴുതി. അജ്മലിന്റെ ആ പാട്ടെഴുത്ത് സോഷ്യല് മീഡിയ ഏറ്റെടുത്തതോടെ ബര്മുഡയുടെ അണിയറ പ്രവര്ത്തകര് കാണുകയും ഷെയര് ചെയ്യുകയും ചെയ്തിരിക്കുകയാണ്. രമേശ് നാരായണ് ആണ് 'ചോദ്യചിഹ്നം പോലെ' എന്ന പാട്ടിന് ഈണം പകര്ന്നിരിക്കുന്നത്. ഗാനരചന വിനായക് ശശികുമാര്.
സൈജു കുറുപ്പ്, സുധീര് കരമന, മണിയന്പിള്ള രാജു, ഇന്ദ്രന്സ് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ബാദുഷ സിനിമാസ്, 24 ഫ്രെയിംസ് എന്നീ ബാനറുകളില് സൂരജ് സി.കെ, ബിജു സി.ജെ, ബാദുഷ എന്.എം, ഷിനോയ് മാത്യു എന്നിവര് ചേര്ന്നാണ് നിര്മ്മിക്കുന്നത്. അഴകപ്പന് ആണ് ഛായാഗ്രഹണം. ശ്രീകര് പ്രസാദ് എഡിറ്റിംഗ് നിര്വഹിച്ചിരിക്കുന്ന ചിത്രത്തിന്റെ കലാസംവിധാനം ദിലീപ് നാഥ് ആണ്.
വസ്ത്രാലങ്കാരം: സമീറ സനീഷ്, മേക്കപ്പ്: അമല് ചന്ദ്രന്, ചീഫ് അസോസിയേറ്റ് ഡയറക്ടര്: രാജേഷ് കെ പാര്ത്ഥന്, ഷൈനി ബെഞ്ചമിന്, അസോസിയേറ്റ് ഡയറക്ടര്: അഭി കൃഷ്ണ, പ്രൊഡക്ഷന് കണ്ട്രോളര്: പ്രതാപന് കല്ലിയൂര്, കൊറിയോഗ്രഫി: പ്രസന്ന സുജിത്ത്, പ്രൊഡക്ഷന് എക്സിക്യൂട്ടീവ്: ഹര്ഷന് പട്ടാഴി, പ്രൊഡക്ഷന് മാനേജര്: നിധിന് ഫ്രെഡി, പി.ആര്.ഒ: പി.ശിവപ്രസാദ്, സ്റ്റില്സ്: പ്രേംലാല് പട്ടാഴി എന്നിവരാണ് മറ്റ് അണിയറ പ്രവര്ത്തകര്. ചിത്രം ഓഗസ്റ്റ് 19ന് തീയേറ്റര് റിലീസിനെത്തുമെന്ന് നിര്മ്മാതാക്കള് അറിയിച്ചു.
Related Stories
See All
Latest Update
