News

എട്ടു വർഷത്തെ ഇടവേളക്ക് ശേഷം മലയാള സിനിമ രംഗത്ത് സജീവമാകാനൊരുങ്ങി സംവിധയകാൻ രാജസേനൻ . ‘ഞാനും പിന്നൊരു ഞാനും’ എന്നാണ് ചിത്രത്തിന്റെ പേര്. തിരക്കഥയൊരുക്കുന്നതും രാജസേനനാണ്. ഇന്ദ്രന്‍സും രാജസേനനുമാണ് ചിത്രത്തിലെ മുഖ്യകഥാപാത്രങ്ങളെ അവതരിപ്പിക്കുന്നത്. പൊലീസ് ഉദ്യോഗസ്ഥന്റെ വേഷമാണ് ഇന്ദ്രൻസ് അവതരിപ്പിക്കുന്നത്.

സുധീര്‍ കരമന, ജോയ് മാത്യൂ എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ക്ലാപിന്‍ മൂവി മേക്കേഴ്സ് ആണ് നിര്‍മ്മാതാക്കള്‍. സാംലാല്‍ പി തോമസ് ആണ് ഛായാഗ്രാഹണം. എം ജയചന്ദ്രന്‍ സംഗീത സംവിധാനം നിര്‍വഹിക്കും. 2014ൽ വൂണ്ട് എന്ന ചിത്രമാണ് രാജസേനൻ അവസാനം സംവിധാനം ചെയ്തത്.

അയലത്തെ അദ്ദേഹം, അനിയൻ ബാവ ചേട്ടൻ ബാവ, ആദ്യത്തെ കൺമണി, സി.ഐ.ഡി ഉണ്ണിക്കൃഷ്ണൻ ബി.എ ബി.എഡ് , കഥാനായകൻ, ഡാർലിങ് ഡാർലിങ് , മലയാളി മാമന് വണക്കം, ശ്രീ കൃഷ്ണപുരത്തെ നക്ഷത്ര തിളക്കം തുടങ്ങി ഒട്ടേറെ മികച്ച സിനിമകൾ മലയാളത്തിന് സമ്മാനിച്ച സംവിധായകനാണ് രാജസേനൻ.