1 കോടി കാഴ്ചക്കാര്: ഹിറ്റടിച്ച് വിനയന് സംവിധാനം ചെയ്യുന്ന പത്തൊമ്പതാം നൂറ്റാണ്ട് .
|
|
Written By
|
News
ഗോകുലം മൂവിസിന്റെ ബാനറില് ഗോകുലം ഗോപാലന് നിര്മിച്ച് വിനയന് സംവിധാനം ചെയ്യുന്ന ചിത്രമാണ് 'പത്തൊമ്പതാം നൂറ്റാണ്ട്'. അടുത്തിടെ ചിത്രത്തിന്റെ ഔദ്യോഗിക ട്രെയ്ലര് പുറത്തുവന്നിരുന്നു. ഗോകുലം മൂവീസിന്റെ യൂട്യൂബ് ചാനല് വഴിയാണ് 2 മിനിറ്റും 44 സെക്കന്ഡും ദൈര്ഘ്യമുള്ള ട്രെയ്ലറാണ് പുറത്ത് വന്നത്. ഒരാഴ്ച കൊണ്ട് ട്രെയിലര് ഒരു കോടിയിലധികം ആളുകളാണ് കണ്ടിരിക്കുന്നത്.
തിരുവോണ ദിനമായ സെപ്റ്റംബര് 8ന് ചിത്രം തിയറ്ററുകളില് എത്തും. ധീരനും പോരാളിയുമായിരുന്ന ആറാട്ടുപുഴ വേലായുധപ്പണിക്കര് എന്ന കേന്ദ്ര കഥാപാത്രത്തെ സിജു വിത്സനാണ് അവതരിപ്പിക്കുന്നത്. മലയാളം, തമിഴ്, തെലുങ്ക്, കന്നട, ഹിന്ദി ഭാഷകളിലായി പാന് ഇന്ത്യന് സിനിമയായാണ് ചിത്രം പ്രേക്ഷകരുടെ മുന്നിലെത്തുന്നത്.
ചരിത്രകാരന്മാരാല് പലപ്പോഴും തമസ്കരിക്കപ്പെട്ടിട്ടുള്ള ഐതിഹാസിക നവോത്ഥാന നായകനും ആരെയും അതിശയിപ്പിക്കുന്ന ധീരനായ പോരാളിയുമായിരുന്നു ആറാട്ടുപുഴ വേലായുധപ്പണിക്കര്. കഥാപാത്രത്തിനായി സിജു വില്സണ് കഴിഞ്ഞ ആറുമാസമായി കളരിപ്പയറ്റും കുതിരയോട്ടവും മറ്റ് ആയോധന കലകളും അഭ്യസിച്ചിരുന്നു. കയാദു ലോഹര് ആണ് ചിത്രത്തില് നായികാ കഥാപാത്രത്തെ അവതരിപ്പിക്കുന്നത്. നങ്ങേലി എന്ന കഥാപാത്രമായാണ് കയാദു അഭിനയിക്കുന്നത്.
അനൂപ് മേനോന്, ചെമ്പന് വിനോദ്, സുധീര് കരമന, സുരേഷ് കൃഷ്ണ, ടിനി ടോം, വിഷ്ണു വിനയ്, ഇന്ദ്രന്സ്, രാഘവന്, അലന്സിയര്, മുസ്തഫ, സുദേവ് നായര്, ജാഫര് ഇടുക്കി, ചാലിപാല, ശരണ്, മണികണ്ഠന് ആചാരി, സെന്തില് കൃഷ്ണ, ഡോ: ഷിനു, വിഷ്ണു ഗോവിന്ദ്, സ്പടികം ജോര്ജ്, സുനില് സുഖദ, ജയന് ചേര്ത്തല, ബൈജു എഴുപുന്ന, സുന്ദര പാണ്ഡ്യന്, ആദിനാട് ശശി, മന്രാജ്, പൂജപ്പുര രാധാക്യഷ്ണന്, ജയകുമാര്, നസീര് സംക്രാന്തി ഹരീഷ് പേങ്ങന്, ഗോഡ്സണ്, ബിട്ടു തോമസ്, മധു പുന്നപ്ര, ഷിനു ചൊവ്വ, ടോംജി വര്ഗ്ഗീസ്, സിദ്ധ് രാജ്, ജെയ്സപ്പന്, കയാദു, ദീപ്തി സതി, തുടങ്ങി ഒട്ടേറെ താരങ്ങളും നൂറിലധികം ജൂനിയര് ആര്ട്ടിസ്റ്റുകളും അഭിനയിക്കുന്ന ചിത്രമാണ് 'പത്തൊമ്പതാം നൂറ്റാണ്ട്'.
Related Stories
See All
Latest Update
