News

മലർവാടി ആർട്സ് ക്ലബ് എന്ന വിനീത് ശ്രീനിവാസൻ ചിത്രത്തിലൂടെ കടന്നുവന്ന് മലയാളത്തിന്റെ പ്രിയപ്പെട്ട യുവ താരമായി മാറിയ നടനാണ് നിവിൻ പോളി. ഇന്ന് താരത്തിന്റെ പന്ത്രണ്ടാം വിവാഹ വാർഷികമാണ്. സഹപാഠിയായിരുന്ന റിന്ന ജോയിയെയാണ് നിവിൻ പോളി വിവാഹം കഴിച്ചത്. വിവാഹ വാര്‍ഷിക ആശംസകളുമായി ഭാര്യക്കൊപ്പമുള്ള ഫോട്ടോയും നിവിൻ പങ്കുവെച്ചിട്ടുണ്ട്.  

2010 ഓഗസ്റ്റ് 28ന്  ആലുവ സെന്റ് ഡൊമിനിക്സ് ചര്‍ച്ചില്‍ ആയിരുന്നു ഇരുവരുടെയും വിവാഹം. നിവിൻ പോളിയുടെ മകന്റെ പേര് ദാവീദ് പോളിയെന്നും മകളുടെ പേര് റോസ് ട്രീസ നിവിൻ പോളി എന്നുമാണ്.നിരവധി പേർ താരത്തിന് ആശംസ അറിയിച്ച് എത്തിയിട്ടുണ്ട്.

നിവിൻ പോളിയുടേതായി ഇനി റിലീസ് ചെയ്യാനുളളത് 'സാറ്റർഡേ നൈറ്റ്' എന്ന ചിത്രമാണ്. സിനിമയുടെ ഒരു ടീസർ കഴിഞ്ഞ ദിവസം പുറത്തുവന്നിരുന്നു. 'കായംകുളം കൊച്ചുണ്ണി' ക്ക് ശേഷം നിവിൻ പോളിയും റോഷൻ ആൻഡ്രൂസും ഒന്നിക്കുന്ന ചിത്രമാണ് ഇത്സാനിയ ഇയ്യപ്പൻ, സിജു വിത്സൺ, അജു വർ​ഗീസ്, മാളവിക, ​ഗ്രേസ് ആന്റണി,. പ്രതാപ് പോത്തൻ, ശാരി, വിജയ് മേനോൻ, അശ്വിൻ മാത്യു എന്നിവരും ചിത്രത്തിലുണ്ട്.