News

നവാഗതനായ സജിമോന്‍ പ്രഭാകര്‍ സംവിധാനം ചെയ്ത ഫഹദ് ഫാസിൽ ചിത്രം മലയൻകുഞ്ഞ്  ഒ ടി ടിയിലേക്ക്. ഓഗസ്റ്റ് 11ന് ആമസോൺ പ്രൈമിലൂടെയാണ് സ്ട്രീമിം​ഗ് ആരംഭിക്കുക.സർവൈവൽ ത്രില്ലർ വിഭാഗത്തിൽ പെടുന്ന ചിത്രത്തിന് വളരെ മികച്ച പ്രേക്ഷക പ്രതികരണമായിരുന്നു

ലഭിച്ചത്.

മഹേഷ് നാരായണന്റേതാണ് ചിത്രത്തിന്റെ തിരക്കഥയും ഛായാഗ്രഹണവും.30 അടി താഴ്ചയിൽ അകപ്പെട്ട അനിക്കുട്ടൻ എന്ന കഥാപാത്രത്തിന്റെ അതിജീവനമാണ് മലയൻകുഞ്ഞ് എന്ന ചിത്രത്തിൽ ഉള്ളടക്കം.ജീവിതസാഹചര്യങ്ങൾ മൂലം ഒരൽപം മാനസിക വിഭ്രാന്തിയുടെ കടന്നുപോകുന്ന  അനിൽകുമാർ എന്ന അനികുട്ടനായും മണ്ണിനടിയിൽ ഉടൽ പതിഞ്ഞു പോയിട്ടും ജീവനു വേണ്ടി പോരാടുന്നൊരു സാധാരണക്കാരനായും  ഫഹദിന്റെ അസാമാന്യ പെർഫോമൻസ് ഈ ചിത്രത്തിൽ നമുക്ക് കാണാൻ സാധിക്കും.

രജിഷ വിജയന്‍ നായികയായ ചിത്രത്തില്‍, ഇന്ദ്രന്‍സ്, ജാഫര്‍ ഇടുക്കി, ദീപക് പറമ്പോല്‍ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. സംവിധായകൻ ഫാസിലായിരുന്നു ചിത്രത്തിന്റെ നിർമാതാവ്. യോദ്ധ എന്ന ചിത്രത്തിന് ശേഷം എ ആര്‍ റഹ്മാന്‍ സംഗീതം പകർന്ന ചിത്രം എന്ന പ്രത്യേകതയും മലയൻകുഞ്ഞിന് ഉണ്ട്.