ഓണ്ലൈന് മീഡിയയുടെ ഞെട്ടിക്കുന്ന വെളിപ്പെടുത്തലിനെതിരെ മാലാ പാര്വതി
|
|
Written By
|
News
ഓണ്ലൈന് മീഡിയയില് വന്ന വാര്ത്തയിലെ തെറ്റായ തലക്കെട്ടിനെതിരെ നടി മാലാ പാര്വതി. മാലാ പാര്വതിയുടെ ഞെട്ടിക്കുന്ന വെളിപ്പെടുത്തല് എന്ന തലക്കെട്ടോടെ പുറത്തുവന്ന വാര്ത്തയ്ക്കെതിരെയാണ് മാലാ പാര്വതി രംഗത്തെത്തിയിരിക്കുന്നത്. ഒരിടത്തും താന് അത്തരമൊരു വെളിപ്പെടുത്തല് നടത്തിയിട്ടില്ലെന്ന് മാലാ പാര്വതി ഫേസ്ബുക്ക് പോസ്റ്റിലൂടെ വ്യക്തമാക്കി.
ഫേസ്ബുക്ക് പോസ്റ്റിന്റെ പൂര്ണരൂപം
അച്ഛന് മരിച്ചപ്പോള്, ഞാന് മരിച്ചു എന്ന് ചില ഓണ്ലൈന് മീഡിയ എഴുതി. അത് എന്നെ മാത്രം ബാധിക്കുന്ന കാര്യമായിരുന്നു. എന്നാല് മറ്റൊരു ഓണ്ലൈന് മീഡിയയില് മറ്റൊരു തമ്പ് നെയില് ശ്രദ്ധയില്പ്പെട്ടു. ഒരു നടന് നേരെയും, ' ഞെട്ടിക്കുന്ന വെളിപ്പെടുത്തല്' ഞാന് നടത്തിയിട്ടില്ല. മോശമായി സ്പര്ശിച്ചാല് എത്ര വേണമെങ്കിലും കിട്ടുമെന്ന് ഒരു നടനും പറഞ്ഞിട്ടില്ല.
എന്റെ ഒരു ഇന്റര്വ്യൂ ആസ്പദമാക്കിയാണ് വാര്ത്ത. എന്നാല് പറയാന് ഒരു മസാല തലക്കെട്ട് കൈയ്യില് കിട്ടിയതോടെ.. ഇന്റര്വ്യൂ ശ്രദ്ധിച്ചില്ല എന്ന് തോന്നുന്നു.
ഒരിക്കല് കൂടി വ്യക്തമാക്കട്ടെ.. ഞാന് ആരെക്കുറിച്ചും ഒന്നും പറഞ്ഞ്, ആരെയും ഞെട്ടിച്ചിട്ടില്ല. ജീവിക്കാനായി തമ്പ് നെയില് എഴുതുന്നവര്, അല്പം കൂടെ വിശ്വസിക്കുന്ന തമ്പ് നെയില് എഴുതണം.
Related Stories
See All
Latest Update
