News

ചിത്രത്തിന്റെ പോസ്റ്റർ ഹിന്ദു ദേവതയെ അപമാനിക്കുന്നതും മതവികാരം വ്രണപ്പെടുത്തുന്നതുമാണെന്ന് നെറ്റിസൺസ് ആരോപിച്ചു. #ArrestLeenaManimekalai എന്ന ഹാഷ്‌ടാഗ് മൈക്രോ-ബ്ലോഗിംഗ് പ്ലാറ്റ്‌ഫോമിൽ ട്രെൻഡിങ്ങായിത്തുടങ്ങി. ലീന മണിമേഖലാ ചിത്രത്തിന്റെ പോസ്റ്റർ സോഷ്യൽ മീഡിയയിൽ പങ്കുവെച്ചതോടെയാണ് വിവാദം പൊട്ടിപ്പുറപ്പെട്ടത്. കാളി ദേവിയുടെ വേഷം ധരിച്ച ഒരു സ്ത്രീ സിഗരറ്റ് വലിക്കുന്നതായാണ് പോസ്റ്ററിൽ ചിത്രീകരിച്ചിരിക്കുന്നത്. ത്രിശൂലം, അരിവാൾ എന്നിവയ്ക്കൊപ്പം LGBTQ+ കമ്മ്യൂണിറ്റിയുടെ അഭിമാന പതാകയും കയ്യിലേന്തിയിരിക്കുന്നതായി കാണാം. 

ഇത് മതനിന്ദയും മതവികാരം വ്രണപ്പെടുത്തുന്നതുമാണെന്നും ആവശ്യപ്പെട്ട ഒരു വിഭാഗം ഇതിനെതിരെ നടപടിയെടുക്കണമെന്ന് ആഭ്യന്തരമന്ത്രി അമിത് ഷായോടും പിഎംഒയോടും അപേക്ഷിച്ചു.

എന്നാൽ ചിത്രത്തെ അപകീർത്തിപ്പെടുത്തുന്നതിന് മുൻപ് ഡോകളുമെന്ററി കാണണമെന്ന് ലീന മണിമേഖല അഭ്യർത്ഥിച്ചു. “ഒരു സായാഹ്നത്തിൽ കാളി പ്രത്യക്ഷപ്പെടുകയും ടൊറന്റോയിലെ തെരുവുകളിൽ നടക്കുകയും ചെയ്യുന്ന സംഭവങ്ങളെക്കുറിച്ചാണ് സിനിമ സംസാരിക്കുന്നത്. നിങ്ങൾ സിനിമ കണ്ടുകഴിഞ്ഞാൽ, #ArrestLeenaManimekalai എന്ന ഹാഷ്‌ടാഗ് 'ലവ് യു ലീന മണിമേകലൈ' എന്നാക്കി മാറ്റും,” അവർ ട്വീറ്റ് ചെയ്തു

സസ്‌പെൻഡ് ചെയ്യപ്പെട്ട ബി.ജെ.പി വക്താവ് നൂപുർ ശർമ്മ പ്രവാചകൻ മുഹമ്മദ് നബിയെ കുറിച്ച് നടത്തിയ പരാമർശങ്ങൾ അന്താരാഷ്ട്ര തലത്തിൽ വിവാദമായിരിക്കെയാണ് കാളി എന്ന ചിത്രത്തെ ചൊല്ലിയുള്ള കോലാഹലം. എന്താണ് മതനിന്ദ, എന്താണ് ആവിഷ്കാര സ്വാതന്ത്ര്യം എന്നതിനെക്കുറിച്ചുള്ള ചർച്ചകൾക്കും ഇത് തുടക്കമിട്ടിരിക്കുകയാണ്.