ഇപ്പോള്‍ ഇതാ ഹോളി വൂണ്ടിന്റെ റിലീസ് തീയതി പ്രഖ്യാപിച്ചിരിക്കുകയാണ്. ഓഗസ്റ്റ് 12ന് ഒടിടിയിലൂടെ ചിത്രം റിലീസ് ചെയ്യും. ലെസ്ബിയന്‍ പ്രണയം പ്രമേയമാക്കി മലയാളത്തില്‍ ഒരുങ്ങുന്ന ചിത്രമാണിത്. ബാല്യം മുതല്‍ പ്രണയിക്കുന്ന രണ്ട് കുട്ടികള്‍ വര്‍ഷങ്ങള്‍ക്ക് ശേഷം വീണ്ടും കണ്ടുമുട്ടുന്നതും തുടര്‍ന്നുള്ള വൈകാരിക മുഹൂര്‍ത്തങ്ങളുമാണ് ചിത്രത്തിലുള്ളത്. 

അതിതീവ്രമായ പ്രണയത്തിന് ലിംഗ വ്യത്യാസമില്ലെന്ന ഓര്‍മ്മപ്പെടുത്തലാണ് ചിത്രം നല്‍കുന്നത്. വൈകാരിക രംഗങ്ങളില്‍ ഒട്ടും കോംമ്പ്രമൈസ് ചെയ്യാതെയും റിയലിസത്തില്‍ ഊന്നിയുള്ള ആവിഷ്‌കരണവുമാണ് ചിത്രത്തിന്റേത്. ജാനകി സുധീര്‍, അമൃത, സാബു പ്രൗദീന്‍ എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്.

ഛായാഗ്രഹണം ഉണ്ണി മടവൂർ, എഡിറ്റിങ് വിപിൻ മണ്ണൂർ, പശ്ചാത്തലസംഗീതം റോണി റാഫേൽ, പ്രൊഡക്‌ഷൻ കൺട്രോളർ ജയശീലൻ സദാനന്ദൻ.

ചീഫ് അസോഷ്യേറ്റ് ഡയറക്ടർ ജിനി സുധാകരൻ, കല അഭിലാഷ് നെടുങ്കണ്ടം, ചമയം ലാൽ കരമന, കോസ്റ്റ്യൂംസ് അബ്ദുൽ വാഹിദ്, അസോഷ്യേറ്റ് ഡയറക്ടർ അരുൺ പ്രഭാകർ, ഇഫക്ട്സ് ജുബിൻ മുംബെ, സൗണ്ട് ഡിസൈൻസ് ശങ്കർദാസ്, സ്റ്റിൽസ് വിജയ് ലിയോ, പിആർഒ അജയ് തുണ്ടത്തിൽ.