News

അന്തരിച്ച കന്നഡ ചലച്ചിത്രതാരം പുനീത് രാജ്കുമാറിന് മരണാനന്തര ബഹുമതിയായി കർണാടക രത്‌ന ലഭിച്ചതിനു പിന്നാലെ  അദ്ദേഹത്തിന്റെ ഓര്‍മ്മയ്ക്കായി ആംബലൻസ് സംഭവാന നൽകി നടൻ പ്രകാശ് രാജ്. അപ്പു എക്സ്പ്രസ് എന്നാണ് ആംബുലൻസിന് പേരു നൽകിയിരിക്കുന്നത്. തന്റെ ട്വിറ്റര്‍ അക്കൗണ്ടിലൂടെ പ്രകാശ് രാജ് തന്നെയാണ് ഇക്കാര്യം അറിയിച്ചത്. 

''പുനീത് രാജ്കുമാറിന്റെ ഓര്‍മ്മയിൽ ആവശ്യക്കാര്‍ക്കായി അപ്പു എക്സ്പ്രസ് എന്ന പേരിൽ സൗജന്യ ആംബുലൻസ് സേവനം സംഭാവന ചെയ്യുന്നു. പ്രകാശ് രാജ് ഫൗണ്ടെഷന്റെ സംരംഭം. ജീവിതം തിരിച്ചു നൽകുന്നതിന്റെ സന്തോഷം'' - പ്രകാശ് രാജ് കുറിച്ചു.

കന്നഡ സിനിമയിലെ യുവതാരമായിരുന്ന പുനീത് രാജ്കുമാർ ഒക്ടോബർ 29 ന് ഹൃദയാഘാതത്തെ തുടർന്നാണ് അന്തരിച്ചത്.  അഭിനേതാവിന് പുറമെ ജീവകാരുണ്യപ്രവർത്തനങ്ങളിലും മുൻപന്തിയിൽ നിന്ന വ്യക്തിയായിരുന്നു പുനീത്.