സിനിമയുടെ സെറ്റില് വിജയാഘോഷവുമായി അപര്ണ ബാലമുരളി
|
|
Written By
|
News
സുധീഷ് രാമചന്ദ്രന് സംവിധാനം ചെയ്യുന്ന 'ഇനി ഉത്തരം' എന്ന സിനിമയുടെ സെറ്റില് വെച്ചാണ് അപര്ണ ബാലമുരളിയെ തേടി ദേശീയ ചലച്ചിത്ര പുരസ്കാര വാര്ത്ത എത്തുന്നത്. ദേശീയ ചലച്ചിത്ര പുരസ്കാരം ലഭിച്ചതില് ഒത്തിരി സന്തോഷമെന്ന് അപര്ണ ബാലമുരളി പറഞ്ഞു. നല്ല എഫര്ട്ട് എടുത്ത് ചെയ്ത സിനിമയ്ക്ക് അംഗീകാരം കിട്ടിയപ്പോള് സന്തോഷമെന്നും സംവിധായക സുധാ കൊങ്കാരയ്ക്ക് ഉള്പ്പടെ തന്നെ പിന്തുണച്ച എല്ലാവര്ക്കും നന്ദിയെന്നും അപര്ണ പറഞ്ഞു. സുരരൈപോട്ര് സിനിമ കണ്ട് ഒരുപാട് പേര് വിളിച്ചിരുന്നുവെന്നും മികച്ച ഒരു സിനിമയുടെ ഭാഗമാക്കാന് കഴിഞ്ഞതില് ഏറെ അഭിമാനം ഉണ്ടെന്നും അപര്ണ കൂട്ടിച്ചേര്ത്തു.
'ഇനി ഉത്തര'ത്തിന്റെ ലൊക്കേഷനില് നിന്ന് കേക്ക് മുറിച്ചാണ് അപര്ണ പുരസ്കാര വാര്ത്ത ആഘോഷിച്ചത്. സിദ്ധാര്ഥ് മേനോന് അടക്കമുള്ള അണിയറ പ്രവര്ത്തകര് ആഹ്ലാദപ്രകടനം നടത്തിയത് അപര്ണയ്ക്ക് ജയ് വിളിച്ചുകൊണ്ടായിരുന്നു. അപര്ണ്ണ ബാലമുരളി, കലാഭവന് ഷാജോണ് എന്നിവര് കേന്ദ്ര കഥാപത്രങ്ങളാകുന്ന ചിത്രത്തിന്റെ ചിത്രീകരണം പൂര്ത്തിയായി.
ഹരീഷ് ഉത്തമന്, സിദ്ധാര്ത്ഥ് മേനോന്, സിദ്ദിഖ്,ജാഫര് ഇടുക്കി, ദിനേശ് പ്രഭാകര്,ഷാജു ശ്രീധര്,ജയന് ചേര്ത്തല,സജിന് ഗോപു, ഭാഗ്യരാജ് തുടങ്ങിയവരാണ് ചിത്രത്തിലെ മറ്റു പ്രധാന താരങ്ങള്. ഏ ആന്റ് വി എന്റര്ടെയ്ന്മെന്റിന്റെ ബാനറില് വരുണ്, അരുണ് എന്നിവര് ചേര്ന്ന് നിര്മിക്കുന്ന ഈ ചിത്രത്തിന്റെ ഛായാഗ്രഹണം രവിചന്ദ്രനാണ്. രഞ്ജിത് ഉണ്ണി തിരക്കഥയും സംഭാഷണമെഴുതുന്നു. വിനായക് ശശികുമാറിന്റെ വരികള്ക്ക് ഹിഷാം അബ്ദുല് വഹാബ് സംഗീതം ഒരുക്കുന്നു.
എഡിറ്റര്-ജിതിന് ഡി കെ, പ്രൊഡക്ഷന് കണ്ട്രോളര്- റിന്നി ദിവാകര്, റിനോഷ് കൈമള്, കല-അരുണ് മോഹനന്, മേക്കപ്പ്-ജിതേഷ് പൊയ്യ, വസ്ത്രാലങ്കാരം-ധന്യ ബാലകൃഷ്ണന്, സ്റ്റില്സ്-ജെഫിന് ബിജോയ്, പരസ്യകല-ജോസ് ഡോമനിക്, ചീഫ് അസോസിയേറ്റ് ഡയറക്ടര്-ദീപക് നാരായണ്, പ്രൊജക്റ്റ് ഡിസൈനര് ആന്റ് മാര്ക്കറ്റിംങ്-H20 Spell, പി ആര് ഒ-എ എസ് ദിനേശ്, ആതിര ദില്ജിത്.
Related Stories
See All
Latest Update
