വീണ്ടും വീണ്ടും കേൾക്കുമ്പോൾ ഇഷ്ടം കൂടുന്ന സംഗീതം, പഴയ ഓണപ്പാട്ടുകൾ കേൾക്കുന്ന ഒരു ഫീൽ, മലയാളികളുടെ സ്വന്തം ഓണക്കാലത്തിന്‍റെ ഫീല്‍ നല്‍കുന്ന സംഗീതം, മലയാളം പാട്ടുകളിലൂടെ വീണ്ടും മലയാളികളുടെ മനസ് കീഴടക്കാന്‍ മൊസാർട്ട് ഓഫ് മദ്രാസ്, വിജയ് യേശുദാസിന്‍റ ശബ്‍ദവും നല്ല നാടന്‍ വരികളും ഓടക്കുഴല്‍ നാദവുമൊക്കെ അസാധ്യം , എആറിന് കേരളം എന്ന് ഓർക്കുമ്പോൾ തോന്നുന്ന വികാരം സംഗീതത്തിലൂടെ ആവിഷ്കരിച്ചിരിക്കുന്നു, വർഷങ്ങളായുള്ള കാത്തിരിപ്പിനാണ് ഇവിടെ വിരാമമാകുന്നത്, കാലങ്ങൾ അതിജീവിക്കുന്ന സംഗീതം തുടങ്ങി നിരവധി കമന്‍റുകളാണ് ഗാനത്തിന് ലഭിച്ചിരിക്കുന്നത്.

ഫാസിലാണ് സിനിമയുടെ നിര്‍മാണം. രണ്ടര വര്‍ഷത്തിന് ശേഷമാണ് ഫഹദ് ഫാസില്‍ നായകനായി ഒരു മലയാള ചിത്രം തീയേറ്ററില്‍ എത്തുന്നത്. ട്രാന്‍സ് ആണ് ഒടുവില്‍ തീയേറ്ററില്‍ റിലീസ് ചെയ്ത ഫഹദ് ചിത്രം. പിന്നീടുള്ള സിനിമകൾ ഒടിടി റിലീസുകളായിരുന്നു.

ഒരു സര്‍വൈവല്‍ ത്രില്ലറായാണ് മലയന്‍കുഞ്ഞ് ഒരുക്കിയിട്ടുള്ളത്. ടേക്ക് ഓഫ്, സി യു സൂണ്‍, മാലിക് എന്നീ ചിത്രങ്ങളുടെ സംവിധായകന്‍ മഹേഷ് നാരായണന്‍ ആണ് മലയന്‍കുഞ്ഞിനായി തിരക്കഥ എഴുതിയിരിക്കുന്നത്. ജ്യോതിഷ് ശങ്കര്‍ പ്രൊഡക്ഷന്‍ ഡിസൈനും രഞ്ജിത് അമ്പാടി മേക്കപ്പും ധന്യാ ബാലകൃഷ്ണന്‍ കോസ്റ്റിയൂംസും വിഷ്ണു ഗോവിന്ദ് - ശ്രീശങ്കര്‍ ടീം സൗണ്ട് ഡിസൈനും നിര്‍വഹിച്ചിരിക്കുന്നു. ബെന്നി കട്ടപ്പന പ്രൊഡക്ഷന്‍ കണ്‍ട്രോളറാണ്. ജൂലൈ 22നാണ് മലയൻകുഞ്ഞ് പുറത്തിറങ്ങാനിരിക്കുന്നത്.