Teaser

പ്രമുഖ തിരക്കഥാകൃത്ത് ഷാഹി കബീര്‍ ആദ്യമായി സംവിധായകനാകുന്ന ചിത്രം 'ഇലവീഴാപൂഞ്ചിറ'യുടെ രണ്ടാം ടീസര്‍ പുറത്തിറങ്ങി. സംഭാഷണങ്ങളില്ലാത്ത വളരെ രസകരവും അതേസമയം വികാരഭരിതവുമായ രംഗങ്ങളാണ് ടീസറിലുള്ളത്. സുധി കോപ്പയുടെ ഐറ്റം ഡാന്‍സാണ് ടീസറിലെ ഹൈലൈറ്റ്. ജൂലൈ 15നാണ് ചിത്രം പ്രേക്ഷകര്‍ക്ക് മുന്നിലെത്തുക. 

'കപ്പേള' എന്ന ചിത്രത്തിന് ശേഷം കഥാസ് അണ്‍ടോള്‍ഡിന്റെ ബാനറില്‍ വിഷ്ണു വേണു നിര്‍മ്മിക്കുന്ന ചിത്രമാണ് 'ഇലവീഴാപൂഞ്ചിറ'. സംസ്ഥാന അവാര്‍ഡ് ജേതാവായ മനീഷ് മാധവനാണ് ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത്. മലയാളത്തില്‍ ആദ്യമായി DOLBY VISION 4 K HDRല്‍ പുറത്തിറങ്ങുന്ന ചിത്രം എന്ന പ്രത്യേകതയും ഇലവീഴപൂഞ്ചിറ എന്ന ചിത്രത്തിനുണ്ട്. 'ഇലവീഴാപൂഞ്ചിറ' എന്ന വിനോദ സഞ്ചാര മേഖലയിലാണ് സിനിമ ചിത്രീകരിക്കുന്നത്. 

ചിത്രസംയോജനം: കിരണ്‍ ദാസ്, സംഗീതം: അനില്‍ ജോണ്‍സണ്‍, രചന: നിധീഷ്, തിരക്കഥ: നിധീഷ്-ഷാജി മാറാട്, ഡി ഐ/കളറിസ്റ്റ്: റോബര്‍ട്ട് ലാങ്, പ്രൊഡക്ഷന്‍ ഡിസൈന്‍: ദിലീപ് നാഥ്, സൗണ്ട് മിക്സിംഗ്: പ്രമോദ് തോമസ്, സൗണ്ട് ഡിസൈന്‍: അജയന്‍ അടാട്ട്, സ്റ്റുഡിയോ: ആഫ്റ്റര്‍ സ്റ്റുഡിയോസ് (മുംബൈ), എക്സിക്യൂട്ടിവ് നിര്‍മാതാവ്: അഗസ്റ്റിന്‍ മസ്‌കരാനസ്, കോസ്റ്റ്യൂം ഡിസൈന്‍: സമീറ സനീഷ്, മേക്കപ്പ്: റോണക്സ് സേവിയര്‍, സിങ്ക് സൗണ്ട്: പി സാനു, പ്രൊഡക്ഷന്‍ കണ്‍ട്രോളര്‍: ബിനു മുരളി, സംഘട്ടനം: മുരളി ജി, ചീഫ് അസോസിയേറ്റ് സംവിധായകന്‍: ജിത്തു അഷ്റഫ്, പ്രൊഡക്ഷന്‍ എക്സിക്യൂട്ടിവ്: റിയാസ് പട്ടാമ്പി, വി എഫ് എക്സ്: മൈന്‍ഡ് സ്റ്റീന്‍ സ്റ്റുഡിയോസ്-എഗ്ഗ് വൈറ്റ് സ്റ്റുഡിയോസ്, സ്റ്റില്‍സ്: നിദാദ് കെ. എന്‍, പബ്ലിസിറ്റി ഡിസൈന്‍: യെല്ലോടൂത്ത്സ്, പി ആര്‍ ഒ: മഞ്ജു ഗോപിനാഥ്, മാര്‍ക്കറ്റിങ്: ഹെയിന്‍സ്.