ദുബായ്: തെന്നിന്ത്യൻ സിനിമാ ലോകം ഉറ്റുനോക്കുന്ന പുതിയ തമിഴ് ചിത്രം 'കതിരവൻ' (Katiravan) ദുബായിൽ നടന്ന പ്രൗഢഗംഭീരമായ ചടങ്ങിൽ തുടക്കമിട്ടു. എസ്.എം പ്രൊഡക്ഷൻസിന്റെ (SM Productions) ബാനറിൽ ശ്യാം കുമാർ എസ് നിർമ്മിക്കുന്ന ഈ ചിത്രം നവാഗത  സംവിധായകൻ അഭി ബാലകൃഷ്ണനാണ് രചനയും സംവിധാനവും നിർവ്വഹിക്കുന്നത്.  വലിയ ശ്രദ്ധനേടാൻ പോകുന്ന ഈ ചിത്രത്തിന്റെ പൂജ ദുബായിലെ പ്രമുഖ വ്യക്തികളുടെയും സിനിമ മാധ്യമ പ്രവർത്തകരുടെ സാനിധ്യത്തിൽ ഷാർജ ഗോൾഡൻ തുലിപ്പ് ഹോട്ടലിൽ നടന്നു.
പ്രധാന താരങ്ങൾ
'8 തോട്ടക്കൾ', 'ജീവി' എന്നീ ചിത്രങ്ങളിലൂടെ ശ്രദ്ധേയനായ വെട്രി സുദലൈ (Vetri Sudaly) നായകനാകുന്ന ചിത്രത്തിൽ പ്രിയ നടി വർഷ ബൊല്ലമ്മയാണ് നായിക. ഇവർക്കൊപ്പം തെന്നിന്ത്യയിലെ വൻ താരനിര അണിനിരക്കുന്നു:
റെഡിൻ കിംഗ്‌സ്‌ലി, മണികണ്ഠൻ, സാക്ഷി അഗർവാൾ, നേഹ സക്സേന, തമിഴ്സെൽവി, അർജുൻ നന്ദകുമാർ, ശ്രീദേവി അനിൽ, അവൻ പുക്കോത്ത്.
കൂടാതെ സിനു സിദ്ധാർത്ഥ്, പൂർണ്ണ രവീന്ദ്രൻ, അമൃത മനോജ് എന്നിവർ ഈ ചിത്രത്തിലൂടെ സിനിമാ ലോകത്തേക്ക് അരങ്ങേറ്റം കുറിക്കുന്നു.