ഷാർജ: ഐ.സി.എഫ് ഷാർജ ഗ്രാൻഡ് മീലാദ് സമ്മേളനത്തിന്റെ ഭാഗമായി സംഘടിപ്പിച്ച 'പ്രൊഫറ്റ് ലെഗസി സമ്മിറ്റ്' വിവിധ മേഖലകളിലെ പ്രമുഖരുടെ പങ്കാളിത്തം കൊണ്ട് ശ്രദ്ധേയമായി. ഷാർജ സെൻട്രൽ മാളിലെ ആർ.കെ കൺവെൻഷൻ സെന്ററിൽ നടന്ന പരിപാടി ഐ.സി.എഫ് നാഷണൽ എസ്.ഡി.സി സെക്രട്ടറി ഇസ്മായിൽ കക്കാട് ഉദ്ഘാടനം ചെയ്തു.

വിവിധ രാഷ്ട്രീയ, സാമൂഹിക, സാംസ്കാരിക, ആരോഗ്യ, നിയമ, സാമ്പത്തിക മേഖലകളിൽ നിന്നുള്ള പ്രമുഖർ പ്രവാചകൻ മുഹമ്മദ് നബിയുടെ അധ്യാപനങ്ങളെയും പാരമ്പര്യത്തെയും ആസ്പദമാക്കി ചർച്ചയിൽ സംസാരിച്ചു.

അഡ്വ. വൈ. എ റഹീം (ഒ.ഐ.സി.സി), നിസാർ തളങ്കര (ഐ.എ.എസ്), ഡേയ്‌സ് ഇടിക്കുള (വേൾഡ് മലയാളി കൗൺസിൽ), ബഷീർ വടകര (സോഷ്യൽ ആക്റ്റിവിസ്റ്റ്), മുഹമ്മദ് അലി കിനാലൂർ, ആഷിഫ് ടി. എ (അൽ ഹിന്ദ്), മുഹമ്മദ് അലി പുന്നക്കൻ (ഒ.ഐ.സി.സി), അബ്ദുൽ ഖാദർ അരിപ്രാമ്പ്ര (കെ.എം.സി.സി), യൂനുസ് (ഐ.എം.സി.സി), ഡോ. നിസാർ (പി.സി.എഫ്), മുഹമ്മദ് റസൽ (എമിറേറ്റ്സ് ക്ലിനിക്), അശ്വിൻ (മലബാർ ഗോൾഡ്), അബ്ദുൽ അസീസ് (ബർജീൽ ജിയോജറ്റ്), ഹബീബ് (ഇസുസു), അബ്ദുൽ ഹക്കീം അണ്ടത്തോട്, മൂസ്സ കിനാശ്ശേരി, സുബൈർ പതിമംഗലം തുടങ്ങിയവർ സംസാരിച്ചു.

അഡ്വ. ഷൗക്കത്ത് സഖാഫി, സിദ്ധിഖ് അസ്ഹരി എന്നിവർ പരിപാടിയിൽ മോഡറേറ്റർമാരായിരുന്നു. ഇസ്മായിൽ തൂവ്വക്കുന്ന് സ്വാഗതവും ഡോ. ഷഫ്നീദ് നന്ദിയും പറഞ്ഞു.