Photo-Shoot

കംപ്ലീറ്റ് പിങ്ക് നിറത്തിലുള്ള ഔട്ട്ഫിറ്റില്‍ അതീവ സുന്ദരിയായാണ് താരം പ്രത്യക്ഷപ്പെട്ടിരിക്കുന്നത്. കാതിലെ റിങ്ങും കഴുത്തിലെ സിമ്പിള്‍ ചെയിനുമൊക്കെയായി ആകെ മൊത്തം കളറായാണ് ഹണിയുടെ വരവ്. എന്നാല്‍ ചെയിനിലെ R എന്ന ലോക്കറ്റാണ് ആരാധകരുടെ ശ്രദ്ധയാകര്‍ഷിച്ചത്. R ആരാണെന്നാണ് ഹണിയുടെ ആരാധകര്‍ ഇപ്പോള്‍ തിരക്കിട്ട് തിരയുന്നത്. ജിതിന്‍ ജയചന്ദ്രനാണ് ചിത്രങ്ങള്‍ പകര്‍ത്തിയിരിക്കുന്നത്. 

വിനയന്‍ സംവിധാനം ചെയ്ത ബോയ്ഫ്രണ്ടിലൂടെ സിനിമയിലെത്തിയ നടി തുടര്‍ന്നും ശ്രദ്ധേയ ചിത്രങ്ങളില്‍ അഭിനയിച്ചു. മലയാളത്തിന് പുറമെ തമിഴ്, തെലുങ്ക്, കന്നഡ ഭാഷകളിലും എത്തിയിരുന്നു താരം. അഭിനയ പ്രാധാന്യമുളള റോളുകള്‍ക്കൊപ്പം ഗ്ലാമറസ് വേഷങ്ങളിലും ഹണി റോസ് തിളങ്ങി. മലയാളത്തില്‍ ട്രിവാന്‍ഡ്രം ലോഡ്ജ് ഉള്‍പ്പെടെയുളള ചിത്രങ്ങളിലൂടെയാണ് നടി ശ്രദ്ധേയായത്.

വികെ പ്രകാശ് സംവിധാനം ചെയ്ത സിനിമയിലെ പ്രകടനം നടിയുടെ കരിയറില്‍ വഴിത്തിരിവായി മാറി. തുടര്‍ന്ന് സൂപ്പര്‍താരങ്ങളുടെ എല്ലാം നായികയായും ഹണി റോസ് മോളിവുഡില്‍ അഭിനയിച്ചു.

കരിയറിന്റെ തുടക്കത്തിലാണ് നടി അന്യഭാഷകളില്‍ കൂടുതല്‍ അഭിനയിച്ചത്. മുതല്‍ കനവേ എന്ന ചിത്രത്തിലൂടെയായിരുന്നു തമിഴ് അരങ്ങേറ്റം. പിന്നീട് തെലുങ്കിലും കന്നഡത്തിലുമെല്ലാം അഭിനയിച്ചു നടി.

മോഹന്‍ലാല്‍ നായകനായ മോണ്‍സ്റ്ററാണ് ഹണി റോസിന്റേതായി ഇനി മലയാളത്തില്‍ പുറത്തിറങ്ങാനുള്ള ചിത്രം. തെലുങ്കിലാവട്ടെ നന്ദമൂരി ബാലകൃഷ്ണയുടെ ചിത്രത്തിലും തമിഴില്‍ പട്ടാംപൂച്ചി എന്ന ചിത്രത്തിലും ഹണി നായികയായി ഇപ്പോള്‍ അഭിനയിക്കുന്നുണ്ട്.