News

ദുബായ്: ദുബായ് ഇക്കണോമിക് അജണ്ട (ഡി 33) യെ പിന്തുണച്ച് ലോകോത്തര ആരോഗ്യ സംരക്ഷണം യുഎഇയിൽ പ്രാദേശികമായി ലഭ്യമാക്കാനും, രാജ്യത്തെ ജനങ്ങൾക്ക് ആരോഗ്യ പരിരക്ഷാ പ്രവേശനത്തിന്റെ ഭാവി പുനർനിർവചിക്കാനും ലക്ഷ്യമിട്ട് ആസ്റ്റർ ഡിഎം ഹെൽത്ത് കെയർ ഒരു ബില്യൺ യുഎഇ ദിർഹത്തിന്റെ നിക്ഷേപ മൂല്യമുള്ള അതിനൂതന പദ്ധതികൾ പ്രഖ്യാപിച്ചു. 

ജിസിസിയിലെ ഏറ്റവും വലുതും അതിവേഗം വളരുന്നതുമായ സംയോജിത ആരോഗ്യ പരിരക്ഷാ ദാതാക്കളിലൊന്നായ ആസ്റ്റർ ഡിഎം ഹെൽത്ത് കെയറിന്റെ ശക്തമായ സംയോജിത ആരോഗ്യ പരിരക്ഷാ മാതൃകയിൽ ഇന്ന് മിഡിൽ ഈസ്റ്റിലുടനീളമുള്ള 15 ആശുപത്രികൾ, 126 ക്ലിനിക്കുകൾ, 338 ഫാർമസികൾ എന്നിവ ഉൾപ്പെടുന്നു. ഗുണനിലവാരമുള്ള പരിചരണം ലഭ്യമാക്കുന്നതിൽ പ്രത്യേകം ശ്രദ്ധ കേന്ദ്രീകരിച്ച് സമൂഹത്തിലെ എല്ലാ വിഭാഗങ്ങൾക്കും സേവനം പ്രദാനം ചെയ്യുന്ന ആസ്റ്ററിന്റെ മൈ ആസ്റ്റർ എന്ന മേഖലയിലെ പ്രമുഖ ഓമ്നിചാനൽ ഹെൽത്ത് കെയർ ആപ്ലിക്കേഷന്റെ പിന്തുണയോടെ, നിലവിലെ 17.6 ദശലക്ഷം ആളുകളിൽ നിന്ന്, അടുത്ത അഞ്ച് വർഷത്തിനുള്ളിൽ പ്രതിവർഷം 75 ദശലക്ഷം ആളുകൾക്ക് സേവനം നൽകുന്ന നിലയിലാണ് വിപൂലീകരണ പ്രവർത്തനങ്ങൾ മുന്നോട്ടുകൊണ്ടുപോകുന്നത്. യുഎഇയ്ക്ക് പുറമേ, ആശുപത്രികൾ, ക്ലിനിക്കുകൾ, ഫാർമസികൾ, ഡിജിറ്റൽ ഹെൽത്ത് എന്നിവയിലുടനീളം 250 ദശലക്ഷം യുഎസ് ഡോളറിന്റെ പ്രതിബദ്ധതയുള്ള നിക്ഷേപത്തിലൂടെ സൗദി അറേബ്യയിലും കമ്പനി അതിന്റെ വിപുലീകരണ പ്രവർത്തനങ്ങൾ ശക്തമാക്കുകയാണ്.  

"ഞങ്ങൾ സേവിക്കുന്ന ഓരോ സമൂഹത്തിനും ഗുണനിലവാരമുള്ള ആരോഗ്യ സംരക്ഷണം ലഭ്യമാക്കുക എന്ന ഒരൊറ്റ ലക്ഷ്യമാണ് കഴിഞ്ഞ നാല് പതിറ്റാണ്ടുകളായി ആസ്റ്ററിനെ നയിക്കുന്നതെന്ന് വിപുലീകരണ പ്രവർത്തനങ്ങളെക്കുറിച്ച് സംസാരിച്ച ആസ്റ്റർ‍ ഡിഎം ഹെൽ‌ത്ത് കെയർ സ്ഥാപക ചെയർമാൻ ഡോ. ആസാദ് മൂപ്പൻ പറഞ്ഞു. ഇന്നത്തെ പ്രഖ്യാപനം ആരോഗ്യസംരക്ഷണത്തിൽ പുതുമ, മികവ്, രോഗീ കേന്ദ്രീകരണം എന്നിവയിൽ സ്ഥിരമായി വിജയിച്ച രാജ്യമായ യുഎഇയോടുള്ള ഞങ്ങളുടെ ആഴത്തിലുള്ള പ്രതിബദ്ധതയെ പ്രതിഫലിപ്പിക്കുന്നതാണ്. ഈ പദ്ധതികളിലൂടെ, ഞങ്ങൾ പ്രാദേശിക ശേഷി ശക്തിപ്പെടുത്തുകയും നൂതന ചികിത്സകൾ രോഗികൾക്ക് കൂടുതൽ ലഭ്യമാക്കുകയും, ആരോഗ്യ സംരക്ഷണത്തിനുള്ള ആഗോള കേന്ദ്രമെന്ന യുഎഇയുടെ ദീർഘകാല കാഴ്ചപ്പാടിന് സംഭാവന നൽകുകയുമാണ് ചെയ്യുന്നത്. ഞങ്ങളുടെ വീക്ഷണത്തിൽ വിശ്വസിക്കുകയും മേഖലയിലുടനീളമുള്ള ഞങ്ങളുടെ പ്രയാണത്തിൽ ഞങ്ങളെ പിന്തുണയ്ക്കുകയും ചെയ്ത ഫജ്ർ ക്യാപിറ്റലിനെപ്പോലുള്ള പങ്കാളികളോടും നിക്ഷേപകരുടെ കൺസോർഷ്യത്തോടും ഈ അവസരത്തിൽ നന്ദി അറിയിക്കുന്നതായും ഡോ. ആസാദ് മൂപ്പൻ വ്യക്തമാക്കി. 

"ആരോഗ്യ സംരക്ഷണത്തിന്റെ ഭാവി നിർവചിക്കുന്നത് നൂതന ക്ലിനിക്കൽ ശേഷിയും ഇന്റലിജന്റ് ഡിജിറ്റൽ സംയോജനവുമാണെന്ന് വേൾഡ് ഹെൽത്ത് എക്സ്പോ (ഡബ്ല്യുഎച്ച്എക്സ്) 2026 ൽ സംസാരിച്ച ആസ്റ്റർ ഡിഎം ഹെൽത്ത് കെയർ മാനേജിങ്ങ് ഡയറക്ടറും ഗ്രൂപ്പ് സിഇഒയുമായ അലീഷ മൂപ്പൻ പറഞ്ഞു. യുഎഇ ഈ പരിവർത്തനത്തിന് വേഗത നൽകുന്നു. ഞങ്ങളുടെ ഒരു ബില്യൺ യുഎഇ ദിർഹമിന്റെ പദ്ധതി, ആശുപത്രികളിൽ കൂടുതൽ കിടക്കകളോ അടിസ്ഥാന സൗകര്യങ്ങളോ ചേർക്കുക മാത്രമല്ല ചെയ്യുന്നത്. സാങ്കേതികവിദ്യ, പ്രത്യേക പ്രാവീണ്യങ്ങൾ, ബന്ധപ്പെട്ട രോഗി അനുഭവം എന്നിവയുടെ പിന്തുണയോടെ ലോകോത്തര പരിചരണ പാതകൾ പ്രാദേശികമായി പ്രാപ്തമാക്കുക എന്ന ലക്ഷ്യങ്ങൾ കൂടിയാണ് നിറവേറ്റുന്നത്. പുതിയ ആശുപത്രികൾ, നിലവിലുള്ള ശൃംഖലയിലേക്ക് ചേർക്കുന്ന മൂന്ന് പുതിയ റോബോട്ടിക് സർജറി പ്ലാറ്റ്ഫോമുകൾ, 18 സൂപ്പർ സ്പെഷ്യലൈസ്ഡ് റോബോട്ടുകളെ കൊണ്ടുവരുന്ന നൂതന റോബോട്ടിക് റിഹാബിലിറ്റേഷൻ കേന്ദ്രം, ഷാർജയിലെ ആദ്യത്തെ സ്വകാര്യ മൾട്ടി-ഓർഗൻ ട്രാൻസ്പ്ലാൻറ് സെന്റർ എന്നിവ അതിവേഗം വികസിച്ചുകൊണ്ടിരിക്കുന്ന രോഗികളുടെ ആവശ്യങ്ങൾ നിറവേറ്റുന്നതിലും ഫലങ്ങൾ വർദ്ധിപ്പിക്കുന്നതിലും ഞങ്ങളെ സഹായിക്കുന്ന പദ്ധതികളാണ്. വ്യവസായ രംഗത്തെ മാനദണ്ഡങ്ങൾ പുനർനിർവചിക്കുന്നതിന്, സർക്കാരുമായും മറ്റ് പങ്കാളികളുമായും ചേർന്ന് പ്രവർത്തിക്കുന്നത് തുടരുമെന്നും അലീഷ മൂപ്പൻ വ്യക്തമാക്കി. 

യുഎഇയിലെ സുപ്രധാന വിപുലീകരണ പ്രവർത്തനങ്ങൾ:

രണ്ട് പുതിയ ആശുപത്രികൾക്കൊപ്പം, ആസ്റ്റർ അൽ ഖിസൈസ് ഹോസ്പിറ്റലിന്റെ വിപുലീകരണവും.

സ്റ്റുഡിയോ സിറ്റിയിലും, ഡിസ്കവറി ഗാർഡനിലും സ്ഥിതി ചെയ്യുന്ന രണ്ട് പുതിയ മൾട്ടി-സ്പെഷ്യാലിറ്റി ആശുപത്രികൾ ദുബായിൽ തുറക്കാനുള്ള പദ്ധതികൾ ആസ്റ്റർ ഡിഎം ഹെൽ ഗ്രൂപ്പിന് നിലവിലുളള 920 കിടക്കകളുടെ ശേഷിയിലേക്ക് 250 കിടക്കകൾ കൂടി ഇതോടെ ചേർക്കപ്പെടും. പ്രവർത്തനക്ഷമമായാൽ, പുതിയ സ്ഥാപനങ്ങൾ പ്രതിവർഷം 560,000 ലധികം രോഗികൾക്ക് സേവനം നൽകുമെന്ന് പ്രതീക്ഷിക്കപ്പെടുന്നു. അതേസമയം 675-ലധികം പുതിയ ആരോഗ്യ പരിരക്ഷാ തൊഴിലവസരങ്ങളും ഇത് സൃഷ്ടിക്കും. 

കൂടാതെ, അൽ ഖിസൈസിലെ ആസ്റ്റർ ആശുപത്രി ഒരു പുതിയ അനെക്സ് കെട്ടിടത്തിലൂടെ വിപുലീകരിക്കാനും പദ്ധതിയുണ്ട്. വിപുലീകരണം 122 കിടക്കകൾ കൂട്ടിച്ചേർക്കുകയും ആസ്റ്ററിന്റെ സെന്റർ ഓഫ് എക്സലൻസ് ഫോർ ഓങ്കോളജി, മറ്റ് ഉയർന്ന ഡിമാൻഡ് സ്പെഷ്യാലിറ്റികൾ എന്നിവ ശക്തിപ്പെടുത്തുകയും ചെയ്യും. 300 ദശലക്ഷം ദിർഹത്തിന്റെ നിക്ഷേപമാണ് ഈ പദ്ധതിക്ക് വിഭാവനം ചെയ്യുന്നത്. 2028 അവസാനത്തോടെ വിപുലീകരിച്ച ഈ സൗകര്യം പ്രവർത്തനക്ഷമമാകുമെന്നാണ് പ്രതീക്ഷിക്കുന്നത്. 

മെഡ്കെയറിന്റെ മൾട്ടി-ഓർഗൻ ട്രാൻസ്പ്ലാന്റ് സെന്റർ ഷാർജയിൽ വരുന്നു. വടക്കൻ എമിറേറ്റ്സിലെ തന്നെ ആദ്യത്തെ സ്വകാര്യ അവയവമാറ്റ കേന്ദ്രം.

യുഎഇയിൽ ആദ്യത്തെ മൾട്ടി-ഓർഗൻ ട്രാൻസ്പ്ലാൻറ് സെന്റർ സ്ഥാപിക്കാൻ കമ്പനിക്ക് അനുമതി ലഭിച്ചു. ഷാർജയിലെ മെഡ്കെയർ ഹോസ്പിറ്റലിന് കീഴിൽ പ്രവർത്തനമാരംഭിക്കുന്ന ഈ കേന്ദ്രം പ്രമുഖ അന്താരാഷ്ട്ര ആരോഗ്യ  പരിചരണ വിദഗ്ധർ, മൾട്ടിഡിസിപ്ലിനറി ക്ലിനിക്കൽ ടീമുകൾ, ലോകോത്തര അടിസ്ഥാന സൗകര്യങ്ങൾ എന്നിവ സംയോജിപ്പിച്ച് വിപുലമായ അവയവമാറ്റ പരിചരണം ലഭ്യമാക്കും. സങ്കീർണ്ണമായ ത്രിതീയ, ക്വാട്ടേണറി ചികിത്സ പ്രാദേശികമായി നൽകാനുള്ള യുഎഇയുടെ മികവ് വർധിപ്പിക്കുന്ന ഒരു സുപ്രധാന ചുവടുവെപ്പായി ഇത് അടയാളപ്പെടുത്തപ്പെടും. 

ദുബായിൽ ആരംഭിക്കുന്ന അഡ്വാൻസ്ഡ് റോബോട്ടിക് റീഹാബിലിറ്റേഷൻ സെന്റർ

മസ്കറ്റിലെ ആസ്റ്റർ അൽ റഫാ വാക്ക് എഗൈൻ അഡ്വാൻസ്ഡ് റോബോട്ടിക് റീഹാബിലിറ്റേഷൻ സെന്ററിന്റെ വിജയത്തെ തുടർന്ന് ആസ്റ്റർ ഈ കേന്ദ്രം യുഎഇയിലേക്കും കൊണ്ടുവരികയാണ്. കഠിനമായ ന്യൂറോളജിക്കൽ, മൊബിലിറ്റി ഡിസോർഡേഴ്സ് ഉള്ളവരുടെ ചലനശേഷി വീണ്ടെടുക്കാൻ സഹായിക്കുന്ന സംവിധാനങ്ങളോടെയാണ് സ്ഥാപനം പ്രവർത്തിക്കുക. അന്താരാഷ്ട്ര പരിചയസമ്പത്തോടെ, യുഎസ് എഫ്ഡിഎ അംഗീകരിച്ച സാങ്കേതികവിദ്യകളായ റോബോട്ടിക് എക്സോസ്കെലിറ്റണുകൾ, ബ്രെയിൻ-കമ്പ്യൂട്ടർ ഇന്റർഫേസ് സിസ്റ്റങ്ങൾ, ന്യൂറോമോഡുലേഷൻ തെറാപ്പികൾ, അഡ്വാൻസ്ഡ് ഗെയ്റ്റ്, അപ്പർ-ലിംബ് റിഹാബിലിറ്റേഷൻ സൊല്യൂഷനുകൾ എന്നിവയുൾപ്പെടെ 18 റോബോട്ടിക് ഉപകരണങ്ങൾ കേന്ദ്രത്തിൽ ലഭ്യമാക്കും. ന്യൂറോളജിക്കൽ, നട്ടെല്ല്, സ്ട്രോക്കുമായി ബന്ധപ്പെട്ട, മൊബിലിറ്റി സാഹചര്യങ്ങൾ എന്നിവയ്ക്കായി ന്യൂറോപ്ലാസ്റ്റിറ്റിയിലൂടെയുള്ള വീണ്ടെടുക്കലിനും കേന്ദ്രം സഹായിക്കും. യുഎഇയിലെ രോഗികൾക്ക് വിദേശയാത്ര ആവശ്യമില്ലാതെ പ്രാദേശികമായി തന്നെ ഇത്തരം വിപുലമായ ചികിത്സ എളുപ്പത്തിൽ ലഭ്യമാക്കാൻ ഈ കേന്ദ്രത്തിന്റെ വരവോടെ സാധിക്കും.  

എഎസ്ഡി, എഡിഎച്ച്ഡി, സെറിബ്രൽ പാൾസി, ബൗദ്ധിക വൈകല്യം, മറ്റ് ന്യൂറോ ഡെവലപ്മെന്റൽ അവസ്ഥകൾ എന്നിവയുള്ള കുട്ടികളെ സഹായിക്കുന്നതിനായി സമർപ്പിച്ചിരിക്കുന്ന ഇത്തരത്തിലുള്ള ആദ്യത്തെ അഡ്വാൻസ്ഡ് പീഡിയാട്രിക് ന്യൂറോ റിഹാബിലിറ്റേഷൻ സെന്ററും ഈ കേന്ദ്രത്തിലുണ്ടാകും. അന്താരാഷ്ട്രതലത്തിൽ തെളിയിക്കപ്പെട്ട പുനരധിവാസ മോഡലുകളിൽ നിർമ്മിച്ച ഈ കേന്ദ്രം എഐ-പ്രാപ്തമാക്കിയ കോഗ്നിറ്റീവ് മാപ്പിംഗ്, ഇമ്മേഴ്സീവ് വിആർ അധിഷ്ഠിത പഠനം, ഡിജിറ്റൽ ബ്രെയിൻ ട്രെയിനിങ്ങ് പ്ലാറ്റ്ഫോമുകൾ, യുഎസ് എഫ്ഡിഎ അംഗീകരിച്ച ന്യൂറോമോഡുലേഷൻ പിന്തുണയുള്ള സാങ്കേതികവിദ്യകൾ, ഘടനാപരമായ വികസന ചികിത്സകൾ എന്നിവ സംയോജിപ്പിച്ച് ഒരു ഭാവി ആവാസവ്യവസ്ഥ തന്നെ അവതരിപ്പിക്കും. 

സമഗ്ര ചികിത്സ, റോബോട്ടിക് ശസ്ത്രക്രിയകൾ, മെഡിക്കൽ മികവ്

സ്പൈനൽ മസ്കുലർ അട്രോഫിക്കുള്ള വിപ്ലവകരമായ ഇൻട്രാ തെക്കൽ ജീൻ തെറാപ്പിയായ ഇറ്റ്വിസ്മയിലൂടെ ഒരു അന്താരാഷ്ട്ര രോഗിയെ ചികിത്സിക്കുന്ന ലോകത്തിലെ ആദ്യത്തെ ആശുപത്രിയായി മെഡ്കെയർ മാറി. ആശുപത്രിയിലെ റോബോട്ടിക് സർജറി കഴിവുകൾ കൂടുതൽ ശക്തിപ്പെടുത്തുമെന്നും മെഡിക്കൽ സംഘം പ്രഖ്യാപിച്ചു. ഡാ വിഞ്ചി പോലുള്ള റോബോട്ടിക് സർജറി പ്ലാറ്റ്ഫോമുകൾ ശൃംഖലകളിലുടനീളം നേരത്തെ അവതരിപ്പിച്ചിരുന്നുവെങ്കിലും, കൃത്യത നയിക്കുന്ന, ഏറ്റവും കുറഞ്ഞ അപകട സാധ്യതയുള്ള നടപടിക്രമങ്ങൾ കൂടുതൽ പ്രാപ്തമാക്കുന്നതിനായി സ്ഥാപനം ഇപ്പോൾ ഏറ്റവും പുതിയ മാതൃകകൾ അവതരിപ്പിക്കുകയാണ്. 

കാർഡിയാക് സയൻസസ്, ഗ്യാസ്ട്രോഎൻട്രോളജി, യൂറോളജി, ഓർത്തോ, സ്പൈൻ, പീഡിയാട്രിക്സ്, ഒബി-ഗൈൻ, എൻഐസിയു തുടങ്ങിയ സ്പെഷ്യാലിറ്റികളിലുടനീളമുള്ള ആസ്റ്ററിന്റെ സെന്റർ ഓഫ് എക്സലൻസ് (സിഒഇ) ശക്തമായ ക്ലിനിക്കൽ ഫലങ്ങൾ, ലോകോത്തര സൗകര്യങ്ങൾ, നൂതന മെഡിക്കൽ ഇന്നൊവേഷൻ എന്നിവയ്ക്കുള്ള അംഗീകാരങ്ങൾ സ്വന്തമാക്കുന്നത് തുടരുകയാണ്. 

മൈ ആസ്റ്റർ -ത്രൈവ്

അഡ്വാൻസ്ഡ് 100 ബയോമാർക്കർ ഇന്റലിജൻസ് ഫോർ പ്രിവന്റീവ് ഹെൽത്ത്

എപ്പിസോഡിക് ചെക്ക്-അപ്പുകൾക്കപ്പുറം ആരോഗ്യ സംരക്ഷണത്തെ സജീവവും വ്യക്തിഗതവുമായ ക്ഷേമമായി മാറ്റാൻ രൂപകൽപ്പന ചെയ്ത 100-ബയോമാർക്കർ ടെസ്റ്റ് നൽകുന്ന സമഗ്രമായ പ്രതിരോധ ആരോഗ്യ വിലയിരുത്തലാണ് മൈ ആസ്റ്റർ– ത്രൈവ് അവതരിപ്പിക്കുന്നത്. രക്തത്തിന്റെ ആരോഗ്യം, ഹൃദയത്തിന്റെ പ്രവർത്തനം, മെറ്റബോളിസം, ഹോർമോണുകൾ, വീക്കം, പോഷകാഹാരം എന്നിവയിലുടനീളമുള്ള ബയോമാർക്കറുകൾ ഒരു ബന്ധിപ്പിച്ച സംവിധാനമായി വിശകലനം ചെയ്യുന്നതിലൂടെ, ലക്ഷണങ്ങൾ പ്രത്യക്ഷപ്പെടുന്നതിന് മുമ്പ് തന്നെ ആദ്യകാല പ്രവണതകളും, സാധ്യതയുള്ള അസന്തുലിതാവസ്ഥയും തിരിച്ചറിയാൻ ത്രൈവ് സഹായിക്കും. യോഗ്യതയുള്ള ഡോക്ടർമാർ ഈ പരിശോധനാ ഫലങ്ങൾ അവലോകനം ചെയ്യുകയും മൈ ആസ്റ്റർ ഡിജിറ്റൽ പ്ലാറ്റ്ഫോം വഴി നിർദേശങ്ങൾ ലഭ്യമാക്കുകയും ചെയ്യും, ഇത് വ്യക്തികൾക്ക് അവരുടെ ആരോഗ്യ സാഹചര്യങ്ങൾ കൃത്യമായി മനസിലാക്കാനും അതിലൂടെ ദീർഘകാല ആരോഗ്യ സംരക്ഷണത്തിന് വ്യക്തമായ പ്രതിരോധ നടപടികൾ കൈക്കൊള്ളാനും പ്രാപ്തി നൽകും. 

എഐ, സാങ്കേതികവിദ്യ, ഡിജിറ്റൽ പരിവർത്തനം

രോഗികളെ സേവിക്കുന്നതിൽ ഡോക്ടർമാരെയും മെഡിക്കൽ പ്രൊഫഷണലുകളെയും മികച്ച രീതിയിൽ സജ്ജമാക്കുന്നതിന് എഐ ഉപയോഗപ്പെടുത്തിയുളള നൂതന രോഗ നിർണ്ണയത്തിന് ആസ്റ്റർ മുൻഗണന നൽകുന്നു. മെഡ്കെയറിന്റെ കാർഡിയോ എക്സ്പ്ലോററും എയർ ഡോക് മെഷീനും നൂതനമായ രോഗ നിർണ്ണയത്തിനുള്ള ചില ഉദാഹരണങ്ങളാണ്, അവ രോഗത്തിന്റെ ബയോമാർക്കറുകൾ നേരത്തെ തിരിച്ചറിയുന്നതിനും ഉചിതമായ പ്രതിരോധ ഇടപെടൽ ഏറ്റെടുക്കുന്നതിനും രോഗികളെ സഹായിക്കുന്നു. അതുപോലെ, യുഎഇ, ഒമാൻ, ബഹ്റൈൻ, കെഎസ്എ എന്നിവിടങ്ങളിലെ സ്ഥാപനങ്ങളിലുടനീളം തടസ്സമില്ലാത്ത രോഗി അനുഭവത്തിനായി ഒരു ഏകീകൃത എച്ച്ഐഎസ് സംവിധാനം അവതരിപ്പിക്കാനുള്ള സാധ്യതകളും സ്ഥാപനം പര്യവേക്ഷണം ചെയ്യുകയാണ്. 

ഡബ്ല്യു. എച്ച്. എക്സ് 2026 പങ്കാളിത്തത്തിന്റെ പ്രധാന സവിശേഷതകൾ

ഈ വർഷം, വേൾഡ് ഹെൽത്ത് എക്സ്പോ 2026 ൽ, പ്രധാന ബിസിനസ് യൂണിറ്റുകളായ മെഡ്കെയർ, ആസ്റ്റർ ഹോസ്പിറ്റലുകൾ ആൻഡ് ക്ലിനിക്ക്സ്, ആസ്റ്റർ ഒപ്റ്റിക്കൽസ്, മൈ ആസ്റ്റർ എന്നിവയ്ക്ക് പുറമേ, 15 രാജ്യങ്ങളിൽ നിന്നുള്ള 38 ബ്രാൻഡുകളും ആസ്റ്റർ ഫാർമസി പ്രദർശിപ്പിച്ചിരിക്കുന്നു. യുഎഇയിൽ ഏഴ് പുതിയ ബ്രാൻഡുകളുടെ ലോഞ്ചിങ്ങാണ് ആസ്റ്റർ ഫാർമസിയുടെ ഭാഗത്തുനിന്നും എക്സ്പോയിലെ പ്രധാന ആകർഷണമായത്. ഇവയിൽ, റാഫേൽ നദാലിന്റെ പിന്തുണയുള്ള പ്രീമിയം സ്പോർട്സ് ന്യൂട്രീഷൻ ബ്രാൻഡായ എൻഡിഎൽ ആസ്റ്റർ അവതരിപ്പിച്ചു, സ്പെയിനിൽ നിന്ന് യുഎഇ വിപണിയിലേക്ക് ബ്രാൻഡിന്റെ ആദ്യ വിപുലീകരണമായി ഇത് അടയാളപ്പെടുത്തുന്നു. മറീനയിലെ ദി പോയിന്റിൽ ആസ്റ്റർ ഫാർമസിയുടെ പുതിയ വെൽനസ് ഡെസ്റ്റിനേഷൻ അടുത്തിടെ പ്രവർത്തനമാരംഭിച്ചിരുന്നു. ആളുകൾക്ക് ഉൽപ്പന്നം വാങ്ങുന്നതിന് മുമ്പ് അവയെ അടുത്തറിയാനും,  കൂടിയാലോചിക്കാനും അനുഭവിക്കാനും ഈ കേന്ദ്രത്തിലൂടെ സാധിക്കുന്നു. ആഗോള ആരോഗ്യം, ക്ഷേമം, ജീവിതശൈലി പുതുമകൾ എന്നിവ യുഎഇയിലേക്ക് കൊണ്ടുവരുന്നതിനും ഉപഭോക്തൃ തിരഞ്ഞെടുപ്പ് വർദ്ധിപ്പിക്കുന്നതിനും ആരോഗ്യകരമായ ജീവിതം പ്രോത്സാഹിപ്പിക്കുന്നതിനുമുള്ള ആസ്റ്ററിന്റെ തുടർച്ചയായ പ്രതിബദ്ധത ഈ നേട്ടങ്ങൾ പ്രതിഫലിപ്പിക്കുന്നു. 

സുസ്ഥിര വിപുലീകരണം, ഡിജിറ്റൽ സംയോജനം, വെൽനസ്, പ്രതിരോധ പരിചരണം എന്നിവയിൽ ശക്തമായ ശ്രദ്ധ കേന്ദ്രീകരിക്കുന്നതിലൂടെ, ആസ്റ്റർ ഡിഎം ഹെൽത്ത് കെയർ ജിസിസിക്ക് ഭാവിയെ മുന്നിൽ കണ്ടുള്ള ഒരു ആരോഗ്യ സംരക്ഷണ ആവാസവ്യവസ്ഥയാണ് രൂപപ്പെടുത്തുന്നത്. എച്ച്ബിഐയുടെ കണക്കനുസരിച്ച് യുഎഇയിലെ രണ്ടാമത്തെ വലിയ ഹെൽത്ത് കെയർ ഡെലിവറി ശൃംഖലയാണ് ആസ്റ്റർ ഡിഎം ഹെൽത്ത് കെയർ. ബ്ലാക്ക്സ്റ്റോണിന്റെ നേതൃത്വത്തിലുള്ള ക്വാളിറ്റി കെയർ ഗ്രൂപ്പുമായുള്ള ലയനത്തിന് ശേഷം ഇന്ത്യയിലെ മൂന്നാമത്തെ വലിയ ആരോഗ്യ പരിചരണ ശൃംഖലയായും ആസ്റ്റർ ഡിഎം ഹെൽത്ത് കെയർ ഇന്ത്യ മാറിയിരിക്കുകയാണ്.