സ്നേഹവും സ്വാദും നിറച്ച് ഒരമ്മ, ശാരദയ്ക്ക് പിന്തുണയുമായി കുടുംബശ്രീ
|
|
Written By
|
Television
സംപ്രേക്ഷണം തുടങ്ങി മാസങ്ങള്ക്കുള്ളില് തന്നെ പ്രേക്ഷക ശ്രദ്ധ നേടി മുന്നേറുകയാണ് 'കുടുംബ ശ്രീ ശാരദ' എന്ന പരമ്പര. ഏതൊരു പ്രതിസന്ധിയും തരണം ചെയ്തു തന്റെ മക്കള്ക്കായി ജീവിക്കുന്ന ശാരദ എന്ന അമ്മയുടെ കഥ പറയുന്ന സീരിയല് ഇതിനോടകം തന്നെ സമൂഹത്തില് സംസാര വിഷയമാണ്. സീ കേരളം ചാനലില് സംപ്രേക്ഷണം ചെയ്യുന്ന പരമ്പരയുടെ മഹാ എപ്പിസോഡ് പ്രേക്ഷകരിലേക്ക് എത്തുകയാണ്.
ഇപ്പോഴിതാ കഥയില് മറ്റൊരു വഴിത്തിരിവ്. ശത്രൂക്കളുടെ ചതികള് കൊണ്ട് നഷ്ടത്തിലായിരിക്കുന്ന കുടുംബശ്രീ ഹോട്ടല് തിരിച്ചു പിടിക്കാനുള്ള പുതിയൊരു വഴിയുമായി ശക്തയായി തിരിച്ചു വരികയാണ് ശാരദ. ശാരദ എന്ന ശക്തമായ കഥാപാത്രമായി സീരിയലില് വേഷമിടുന്നത് പ്രശസ്ത നടി ശ്രീലക്ഷ്മിയാണ്. കൂടാതെ മെര്ഷീന നീനു, പ്രബിന് എന്നിവരും പ്രധാന വേഷത്തില് എത്തുന്നു.
കുടുംബശ്രീ പ്രവര്ത്തകരുടെ സഹായത്തോടെ ഹോട്ടലില് ഒരു ഭക്ഷ്യമേള സംഘടിപ്പിക്കുകയാണ് ശാരദ, ഈ വേദിയില് പ്രേക്ഷകരുടെ പ്രിയപ്പെട്ട രവി ചന്ദ്ര വര്മ്മനും എത്തുന്നു. ശാരദയുടെ ശ്രമം വിജയിക്കുമോ? അതോ ശത്രുക്കള് വീണ്ടും ശക്തരായി തിരിച്ചടിക്കുമോ? കാത്തിരുന്നു കാണാം ഈ ഞായറാഴ്ച ഏഴ് മണിക്ക് രണ്ടു മണിക്കൂര് നീണ്ടു നില്ക്കുന്ന മഹാ എപ്പിസോഡ്.
Related Stories
See All
Latest Update
