News

രണ്ടാം ഭാഗത്തിൽ ലൂസിഫറിന്റെ ലോകം കുറച്ച് കൂടി വികസിക്കുമെന്ന് നടനും സംവിധായകനുമായ പൃഥ്വിരാജ്. കടുവയുടെ പ്രമോഷന്റെ ഭാ​ഗമായി നടന്ന അഭിമുഖത്തിനിടെയാണ് ലൂസിഫറിനെപ്പറ്റി പൃഥ്വി മനസ്സു തുറന്നത്. ലൂസിഫറിന് രണ്ടും മൂന്നും ഭാ​ഗങ്ങൾ ഉണ്ട്. ആദ്യ ഭാ​ഗത്തിൽ കണ്ടതിന്റെ പിന്നിൽ കുറച്ചുകൂടി വലിയ കാര്യങ്ങൾ ഉണ്ടെന്ന് നിങ്ങൾക്ക് രണ്ടാം ഭാ​ഗം വരുമ്പോൾ മനസ്സിലാകും.

ലൂസിഫറിന് ഒരു മൂന്നാം ഭാ​ഗം കൂടിയുണ്ടാകും അതിനെ വേണമെങ്കിൽ നിങ്ങൾക്ക് ഇലൂമിനാലിറ്റി എന്ന് വിളിക്കാമെന്നും പൃഥ്വി പറഞ്ഞു. മൂന്ന് പാർട്ടുകളെയും വേണമെങ്കിൽ പിസിയു (പൃഥ്വിരാജ് സിനിമ ഓഫ് യൂണിവേഴ്സ്) എന്ന് വിളിച്ചോളാനും തമശാ രൂപേണ പൃഥ്വി കൂട്ടിച്ചേർത്തു.

ടെെസണിൽ പൃഥ്വിരാജ് മാത്രമാണോ എന്ന അവതാരകന്റെ ചോദ്യത്തിന് അല്ല എന്നായിരുന്നു അദ്ദേഹത്തിന്റെ മറുപടി. ഒരാൽ മാത്രമുള്ള ചിത്രം മോഹലാലിന്റെ എലോൺ ആണെന്നും, ടെെസണിൽ വെറെ ആളുകളുമുണ്ടാകും പൃഥ്വി പറഞ്ഞു.

പൃഥ്വിരാജിനെ നായകനാക്കി ഷാജി കൈലാസ് ഒരുക്കിയ ചിത്രം കടുവ ലോകമെമ്പാടുമുള്ള ബോക്‌സ് ഓഫീസില്‍ സിനിമ മികച്ച പ്രകടനമാണ് കാഴ്ചവെക്കുന്നത്. ഷാജി കൈലാസ് എട്ട് വർഷത്തിന് ശേഷം സംവിധാന രംഗത്തേയ്ക്ക് മടങ്ങിയെത്തുന്ന ചിത്രം എന്ന പ്രത്യേകതയും കടുവയ്ക്കുണ്ട്. മലയാളത്തിന് പുറമെ തമിഴ്, തെലുങ്ക്. ഹിന്ദി ഭാഷകളില്‍ പുറത്തിറങ്ങിയ ചിത്രം എട്ട് വിദേശ രാജ്യങ്ങളിലും മികച്ച പ്രതികരണം നേടികഴിഞ്ഞു.