News

അബുദാബി: യുഎഇയുടെ 54-ാം ദേശീയ ദിനാഘോഷങ്ങളുടെ ഭാഗമായി മലയാളി യുവാവ് ഹംസ ഒരു പ്രത്യേക സൈക്കിൾ യാത്രയ്ക്ക് തുടക്കമിട്ടു. ഈ യാത്ര ഇന്നലെ മുസാഫയിൽ നിന്ന് ആരംഭിച്ചു.വരാനിരിക്കുന്ന ദിവസങ്ങളിൽ യുഎഇയിലെ വിവിധ എമിറേറ്റുകളിലൂടെ യാത്ര തുടരുന്നതാണ്.

ഹംസ തന്റെ സൈക്കിള്‌ യുഎഇയുടെ ദേശീയ പതാകയുടെ നിറങ്ങളാൽ മനോഹരമായി അലങ്കരിച്ചിട്ടുണ്ട്. ഐക്യത്തിന്റെ സന്ദേശം പ്രചരിപ്പിക്കുക, യുഎഇയെ ആദരിക്കുക എന്നിവയാണ് തന്റെ യാത്രയുടെ ലക്ഷ്യമെന്ന് ഹംസ പറയുന്നു.

മലയാളികൾ യുഎഇയുടെ വളർച്ചക്കും വികസനത്തിനും വളരെ വലിയ സംഭാവനകൾ നൽകിയിട്ടുണ്ടെന്നും, പ്രവാസികളുടെ സമൃദ്ധിക്കും മുന്നേറ്റത്തിനും ഈ രാജ്യം തന്നെ കാരണം ആണെന്നും ഹംസ പറയുന്നു. അതിനാൽ തന്നെ ഈ യാത്ര തന്റെ നന്ദിയുടെ പ്രകടനമാണെന്നും അദ്ദേഹം കൂട്ടിച്ചേർത്തു. കഴിഞ്ഞ ഒൻപത് വർഷങ്ങളായി അദ്ദേഹം ഈ യാത്ര നടത്തിവരുന്നു. പൂർണ്ണമായി അലങ്കരിച്ചിരിക്കുന്ന അദ്ദേഹത്തിന്റെ സൈക്കിൾ പൊതുജനങ്ങളുടെ ശ്രദ്ധ ആകർഷിച്ചുകൊണ്ടിരിക്കുന്നു